Keı túlekter qoldan jasalǵan jalǵan UBT sertıfıkatyn ótkizip jatyr

<p>ASTANA. KAZINFORM &mdash; UBT sertıfıkatyn qoldan jasaý faktileri áshkere boldy. Ulttyq testileý ortalyǵy osyndaı jaǵdaılar jıilep ketkenin habarlady.&nbsp;</p>

«Ókinishke qaraı, bıyl jalǵan UBT sertıfıkat usyný jaǵdaılary anyqtaldy. Qazirgi ýaqytta grant konkýrsyna qujat qabyldanyp jatyr, qabyldaý komıssııasyna 10-nan astam jalǵan sertıfıkat usynylǵan. UBT sertıfıkatyn qoldan jasaý múmkin emes ekenin eskerý mańyzdy. Árbir sertıfıkatta onyń túpnusqalyǵyn birden tekserýge múmkindik beretin biregeı QR kody bar. Sondaı-aq, UBT sertıfıkaty resmı qujat bolyp tabylady jáne ony qoldan jasaý QR Qylmystyq kodeksiniń 385-baby boıynsha qylmystyq jaýapkershilikke ákep soǵady» dep eskertedi UTO.

Mysaly, myna sertıfıkatta QR-kod ashylmaıdy, sondaı-aq sandar ár túrli shrıftpen, ártúrli kólemde jazylǵan.

Foto: UTO

Sertıfıkatty qoldan jasaýdyń barlyq jaǵdaıy tıisti shara qabyldaý úshin quqyq qorǵaý organdaryna joldanady.

Esterińizge sala keteıik, UBT sertıfıkaty app.testcenter.kz saıtynda jeke kabınette, certificate.testcenter.kz saıtynda jáne eGov elektrondy úkimet portalynda ornalasqan.