Keı óńirlerde et baǵasy 22 paıyzǵa deıin qymbattap ketken

ASTANA. QazAqparat – 2022 jyldyń jeltoqsan aıynyń sońynda et ónimderi baǵasy bir jylda 16,6 paıyzǵa ósti, dep habarlaıdy QazAqparat tilshisi.

Energyprom.kz portalynyń málimetinshe, et eń qatty qymbattaǵan óńir Mańǵystaý oblysy: bir jylda - 22,6 paıyz.

Odan keıin Pavlodar (21,7 paıyzǵa qymbattady) jáne Soltústik Qazaqstan (21,5) oblystarynda joǵary ósim bar.

Al baǵanyń shamaly ósimi Ulytaý oblysynda tirkeldi: 9,7 paıyz.

Et pen qus eti jyldyq dınamıkada - 15,4, shujyq ónimderi - 22,2, et ónimderi 15,9 paıyzǵa qymbattady.

Et ónimderiniń ishinde qus eti — 29,4, jylqy eti — 16,7, shoshqa eti — 14,3, qoı eti — 12,9, sıyr eti 10,1 paıyzǵa ósti.

Shujyq ónimderiniń ishinde pisirilgen shujyq - 23,6, jartylaı ystalǵan shujyq 22,2 paıyzǵa kóterildi.

2022 jylǵy 1 jeltoqsanda Qazaqstanda eshkini (bir jylda 0,9 paıyzǵa azaıyp, 2,3 mln boldy) jáne shoshqany (bir jylda 10 paıyzǵa kemip, 812,5 myń boldy) sanamaǵanda negizgi mal basy sany kóbeıdi.

Jylqy sany bir jylda 12,1 paıyzǵa artyp, 3,7 mln basqa, túıe 8,6 paıyzǵa ósip, 260,5 myń basqa, iri qara 5,2 paıyzǵa kóbeıip, 8,5 mln basqa, qoı 4,4 paıyzǵa artyp, 19,6 mln basqa, qus 1,1 paıyzǵa kóbeıip, 50,8 mln basqa jetti.