Keshki altydan keıin tamaq ishpegen durys pa

<p><strong>Áleýmettik jelilerde saǵat 18:00-den keıin tamaq ishpeýge keńes berilgen habarlama tarady. Onda mundaı dıeta salmaqty azaıtyp qana qoımaı, saýyǵýǵa kómektesetini aıtylǵan. <a href="https://stopfake.kz/kk/" target="_blank" rel="noopener">Stopfake.kz </a>bul aqparattyń jalǵan ekenin málim etti, dep habarlaıdy <a href="https://kaz.inform.kz/" target="_blank" rel="noopener">QazAqparat. </a></strong><a href="https://kaz.inform.kz/" target="_blank" rel="noopener">&nbsp;</a></p>

«18:00-den keıingi tamaqtaný óte zııandy jáne artyq salmaqtyń tez ósýine ákeledi degen teorııanyń ǵylymı negizi joq jáne 23:00-de jatyp, 6:00-de turatyn qarapaıym adamnyń «klassıkalyq» kún tártibine súıenedi. Qazirdiń ózinde eskirgen jáne joqqa shyǵarylǵan teorııaǵa sáıkes, osy rejımde sońǵy ret saǵat 18:00-de tamaqtaný arqyly 12 saǵat boıy ash júrý kezeńi qalyptasady. Bul salmaq joǵaltýǵa yqpal etedi eken. Shyndyǵynda, birinshiden, tamaq ishý men ash júrý arqyly salmaq joǵaltýǵa bolatynyna ǵylymı negiz joq. Ekinshiden, eger adam 23:00-de emes, 2:00-de jatyp, 10:00-de tursa, onda 18:00-den bastap ash júrýdiń eshqandaı paıdasy joq», - dep jazylǵan habarlamada.

Sonymen qatar ǵalymdar salmaq joǵaltý úshin saǵatty emes, kalorııany eseptegen jón degen qorytyndyǵa keldi. Nýtrıtsıologtardyń pikirinshe, aqýyzdar, maılar jáne kómirsýlar araqatynasyn saqtaı otyryp, ár eki-tórt saǵat saıyn turaqty tamaqtanǵan durys. Bul rette taǵam táýlik ýaqytyna qaramastan birdeı qorytylady.

«18:00-den keıin tamaqtan bas tartý aǵzanyń saýyǵýyna yqpal etetinine ǵylymı dálel joq. Kerisinshe, mundaı qatań shekteýler tamaqtaný tártibiniń buzylýyna, «ruqsat etilgen» ýaqytta shamadan tys tamaqtanýǵa jáne buzylýlarǵa ákelýi múmkin. Olaı bolsa, densaýlyqty jaqsartý jáne artyq salmaqtan arylý úshin keshki altydan keıin tamaq ishpeý boıynsha keńes negizsiz», - delingen habarlamada.