Keshe keshke Astana qalasynda 100 myń abonent jaryqsyz qalǵan

<p>Keshe keshke Astana qalasynyń 20 paıyzy jaryqsyz qalǵan. Bul týraly QR Energetıka mınıstrligi atomdyq jáne energetıkalyq qadaǵalaý men baqylaý komıtetiniń tóraǵasy Suńǵat Esimhanov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Biz qalanyń bir bóligi elektr qýatynsyz qalǵanyn túsinemiz. 1,5 saǵat – bul óte uzaq ýaqyt. Astanada 500 myńnan astam abonent bar, sonyń ishinde apattan keıin 100 myń abonent jaryqsyz qaldy. Basqasha aıtqanda, qalanyń shamamen 20%-ynda elektr qýaty bolmady. Barlyq shara qabyldandy. Túngi saǵat 23.48-de barlyq derlik shekteý alynyp tastaldy. Qazir jaryq stantsııalary shtattyq rejımde jumys istep tur», - dedi Suńǵat Esimhanov Astana qalasy kommýnıkatsııalar qyzmeti alańynda ótken baspasóz máslıhatynda.

Aıta ketsek, keshe keshke Astananyń keıbir aýdandarynda jaryq sónip qaldy.

QR Energetıka mınıstrliginiń habarlaýynsha, Astana – 2 jylý elektr ortalyǵyndaǵy qysqa tuıyqtalý saldarynan elektr óndirý qýaty tómendep ketken.

Odan bólek, «Astana Sý Arnasy» elorda turǵyndarynyń nelikten sýsyz qalǵanyn túsindirdi.