Keshe qabyldanǵan ǵylym týraly zańnyń jańashyldyqtary qandaı

<p>ASTANA. KAZINFORM — Keshe Memleket basshysy Ǵylym jáne tehnologııalyq saıasat týraly zańǵa <a href="https://kaz.inform.kz/news/kazakstanda-gilim-zhane-tehnologiyalik-sayasat-turali-arnayi-zan-kabildandi-930b97/" target="_blank" rel="noopener">qol qoıdy.</a> Osyǵan oraı elimizdiń bas ǵylymı vedomstvosy jańa zańnyń jańashyldyqtaryna sholý jasady. </p>

• Osy zań arqyly ǵylymı zertteýlerdi iske asyrýǵa usynylatyn negizdilik pen tehnologııalyq daıyndyqty (TRL) baǵalaýdyń jańa tetigi engizildi.
• Ǵylym qorynyń tehnologııalardy kommertsııalandyratyn ulttyq agenttik retindegi mártebesi keńeıgen. 
• Innovatsııalar men jańa tehnologııalar naryǵyn monıtorıngteý maqsatynda ǵylymı-tehnıkalyq aqparatty jınaý, óńdeý jáne taldaý boıynsha jańa mehanızm engizildi.
• Ǵalymdardy yntalandyrý maqsatynda jas ǵalymdar úshin jeńildikti turǵyn úı satyp alý quqyǵy engiziledi.
• Salyq kodeksinde ǵylymı jáne (nemese) ǵylymı-tehnıkalyq qyzmet sýbektilerine ǵylymı-zertteý, ǵylymı-tehnıkalyq jáne tájirıbelik-konstrýktorlyq jumystarǵa arnalǵan shyǵystar boıynsha salyqtyq jeńildikter men salyq shegerimin berý boıynsha memlekettik yntalandyrý sharalary usynylady.
• 50% mólsherinde salyq shegerimi kózdelgen.
• Jergilikti atqarýshy organdarǵa ǵylym salasyndaǵy memlekettik saıasatty júzege asyrý, granttyq qarjylandyrý nysanynda ǵylymı-zertteý jumysyn júrgizý jónindegi jumysty úılestirý boıynsha quzyret berý usynylady.
• Joǵary ǵylymı uıym nysanyndaǵy Ǵylym akademııasynyń jańa mártebesi aıqyndaldy.
• Prezıdent qol qoıǵan «Memlekettik satyp alý týraly» zańǵa sáıkes ǵylymı uıymdardyń satyp alý tártibi jeńildetildi. Máselen, ǵylymı zertteýler men ǵylymı jumystardy oryndaý úshin ǵylymı-zertteý ınstıtýttary men joǵary jáne (nemese) joǵary oqý ornynan keıingi bilim berý uıymdarynyń satyp alý rásimderi endi Ǵylym jáne joǵary bilim mınıstrligi bekitetin qaǵıda boıynsha júzege asady.