Keshe ǵana bekitilgen Ulytaý oblysynyń tóltańbasy qaıta tańdalatyn boldy
«Oblys tóltańbasy máselesi áleýmettik jelilerde qyzý pikirtalas týdyrdy.
Osyǵan baılanysty konkýrs qorytyndylaryn jáne sáıkesinshe konkýrstyq komıssııanyń nátıjelerin joıý týraly sheshim qabyldandy», - delingen Ulytaý oblysy ákimdiginiń Facebook-paraqshasynda.
Eske salaıyq, 18 qańtar kúni óńir ákimdigi tóltańbany tańdaý konkýrsynyń nátıjesin jarııalaǵan bolatyn. Konkýrsqa respýblıkanyń túpkir-túkpirinen 130-ǵa jýyq usynys túsken. Barlyq eskızder 2022 jylǵy 12-18 jeltoqsan aralyǵynda arnaıy uıymdastyrylǵan kórme aıasynda Jezqazǵan turǵyndary men qonaqtarynyń nazaryna usynylǵan.
Ulytaý oblysynyń tóltańbasyn turǵyndar Instagram-da tanymal paraqshalardyń birinde daýys berý arqyly tańdaǵan. Nátıjesinde ulytaýlyq dızaıner, Eýrazııa dızaınerleri odaǵynyń múshesi Shahıbaden Seıitkenovtiń jumysy jeńiske jetken.
Tóltańbany tańdaý boıynsha arnaıy komıssııa da qurylǵan. Onyń quramyna óńirge tanymal ǵalymdar, sýretshiler, tarıhshylar jáne qurmetti ardagerler engen.