Kerekýde egis dalasynda kartop egip júrgen 9 shetel azamaty ustaldy

<p>PAVLODAR. KAZINFORM &mdash; Ustalǵandar Ózbekstan eliniń azamattary. Olar Qazaqstan aýmaǵynda tıisti qujatsyz jumys istep kelgen.</p>

Zańsyz mıgranttar Aqsý qalasy aýyldyq aımaǵyndaǵy sharýashylyqtyń egis dalasynda kartop egýmen shuǵyldanǵan.

«Sýarmaly alqaptardy tekserý kezinde tıisti qujattarsyz jumys istegen Ózbekstan Respýblıkasynyń 9 azamaty anyqtaldy. Zańnamany buzǵany úshin sheteldikter ákimshilik jaýapkershilikke tartyldy. Materıal sotta qaralyp, sot sheshimimen barlyǵy el aýmaǵynan shyǵaryldy», — dep habarlady Aqsý qalasy polıtsııa bóliminiń bastyǵy Dýlat Tókenov.

Sheteldik azamattardy sharýaǵa tartqan, biraq olardyń el aýmaǵynda bolýyn zańdastyrýǵa úlgermegen jumys berýshi de jazasyz qalmady. Oǵan 30 aılyq eseptik kórsetkish mólsherinde aıyppul salyndy.

Aıtyp óteıik, Qazaqstanǵa kelgen sheteldik mıgranttar kóbinde qurylys salasynda jumys isteıdi.