Keptelistegi 105 saǵat: Ystanbul kólik keptelisi boıynsha álemdik reıtıngte kósh bastady

<p>ASTANA. KAZINFORM &ndash; Osyǵan oraı qala bıligi jol júrý aqysyn engizý múmkindigin qarastyryp otyr, dep habarlaıdy Kazinform agenttiginiń menshikti tilshisi.</p>

INRIX analıtıkalyq kompanııasynyń 2024 jylǵa arnalǵan málimetinshe, Túrkııanyń eń úlken qalasyndaǵy júrgizýshiler kepteliste jylyna orta eseppen 105 saǵat jumsaıdy. Bul megapolısti antıreıtıngte Nıý-Iork pen London sııaqty qalalarǵa qaraǵanda joǵary qoıyp otyr.

Ystanbul bıligi máselege jaýap retinde kólik qozǵalysyn azaıtý jáne ekologııalyq jaǵdaıdy jaqsartý úshin jańa sharalar engizýdi qarastyrý ústinde. Negizgi bastamalardyń biri – kólik qozǵalysynyń tyǵyzdyǵy joǵary aımaqtarda aqy tóleýdi engizý. Tar kóshelerimen jáne tyǵyz kólik qozǵalysymen tanymal Emınonıý men Kadykeıdiń tarıhı jáne týrısterge qolaıly aýdandary bul shara úshin pılottyq jobalaryna aınalýy múmkin.

Sonymen qatar, shyǵaryndylardyń kólemi tómen aımaqtardy qurý talqylanyp jatyr. Bul ekologııalyq joba aýanyń lastanýyn azaıtýdy jáne aýaǵa shyǵaryndylary joǵary kólikterge qosymsha tólem engizýdi kózdeıdi.

Eki bastama kólik keptelisin azaıtyp qana qoımaı, qala turǵyndarynyń ómir súrý sapasyn jaqsartady dep shamalanyp otyr.

Aıta keteıik, Túrkııada eń tómengi zeınetaqy 15,75 paıyzǵa ósti.