Kepildendirilgen tegin medıtsınalyq kómek pen MÁMS qarjysy biriktiriledi

ASTANA. QazAqparat – QR Densaýlyq saqtaý mınıstrligi 2023 jyly kepildendirilmen mindetti tegin medıtsınalyq kqmek pen Mindetti áleýmettik medıtsınalyq saqtandyrý qyzmetteriniń qarjy aǵynyn bir arnaǵa toǵystyrmaqshy, dep habarlaıdy QazAqparat tilshisi.

Bul jaıynda mınıstr Ajar Ǵınııat vedomstvonyń qorytyndy alqa májilisinde málim etti.

«2023 jyly biz halyqty MÁMS júıesine tartý baǵytyndaǵy jumysty jalǵastyryp, sonyń esebinen qarjy túsimin ulǵaıtamyz. Sonymen qatar, biz kepildendirilgen mindetti tegin medıtsınalyq kómek pen MÁMS-tiń qarjylyq aǵyndaryn medıtsınalyq kómektiń tizbesin naqty ajyrata otyryp, biryńǵaı pýlǵa biriktirýdi josparlap otyrmyz. Sondaı-aq, 2023 jyly biz qarjy aǵyndaryn búkil kezeńderde, sonyń ishinde aqparattyq júıeler arqyly baqylaýdy qamtamasyz etemiz», - dedi Ajar Ǵınııat.

Onyń aıtýynsha, osy atalǵan sharalardy iske asyrý nátıjesinde bıyl medıtsına qyzmetkerleriniń jalaqysyn arttyrý, sondaı-aq mynadaı baǵyttar boıynsha qarjylandyrýdy ulǵaıtý jáne tarıfterdi qaıta qaraý josparlanǵan.

«Jedel medıtsınalyq kómek 2,5%, joǵary tehnologııaly medıtsınalyq kómek 8%, statsıonarlyq kómek 3%, aralas qozǵalys qurylǵylary 7,6%, statsıonardy almastyratyn kómek 5%, ońaltý 13% artady», - dedi mınıstr.