Kepildendirilgen áleýmettik toptama nelikten 1 jasqa tolmaǵan balaǵa berilmeıdi - Nurymbetov jaýaby

NUR-SULTAN. QazAqparat - Búgin Ortalyq kommýnıkatsııalar qyzmetindegi baspasóz máslıhatynda QR Eńbek jáne halyqty áleýmettik qorǵaý mınıstri Birjan Nurymbetov kepildendirilgen áleýmettik toptama nelikten 1 jasqa tolmaǵan balaǵa berilmeıtindigin túsindirdi, dep habarlaıdy QazAqparat tilshisi.

«Qazirgi ýaqytta elimizde zańǵa sáıkes balanyń 1 jasqa deıingi kútinimine qatysty arnaıy járdemaqy bar. Ol járdemaqynyń mólsheri jumys istemeıtin áıelderge birinshi baladan 14 500 teńgeden bastap tórtinshi balaǵa deıin 22 500 teńge deıin aı saıyn tólenedi. Sondyqtan osy jaǵdaı eskerilip otyr»,- dedi mınıstr.

Onyń atap ótýinshe, jumys isteıtin analar memlekettik saqtandyrý qorynan jalaqysynyń 40 paıyzy mólsherinde, ortasha eseppen 33 myń teńge kóleminde balasy 1 jasqa tolǵanǵa deıin járdemaqy alyp otyrady.

Búgin Úkimet otyrysynda Birjan Nurymbetov memlekettik ataýly áleýmettik kómek týraly zańǵa tabysy az otbasyndaǵy balalarǵa kepildi áleýmettik toptama engiziletindigin aıtqan bolatyn.