Kenjehan Matyjanov: Praımerızdiń basty jetistigi – belsendi tulǵalardy anyqtap alý

ALMATY. QazAqparat – «Nur Otan» partııasynyń praımerızine qatysýshy, M. Áýezov atyndaǵy ádebıet jáne óner ınstıtýtynyń dırektory, fılologııa ǵylymdarynyń doktory, QR Ulttyq ǵylym akademııasynyń korrespondent-múshesi Kenjehan Matyjanov Praımerız – «Nur Otan» partııasy úshin jańa bastama ekenin aıtty, dep habarlaıdy QazAqparat tilishsi.

«Praımerız – El úshin de, «Nur Otan» partııasy úshin de jańa bastama boldy. Qýanarlyǵy saılaýshylar úlken jaýapkershilik tanytýda. Praımerız saıtyna kóp adam kirgen. Partııa músheleriniń tirkelý naýqany da óte belsendi júrgizildi. Praımerızge qatysyp otyrǵan kandıdattardyń basym bóligi osy qalaǵa tanymal jandar. ıAǵnı, belgili kásipkerler, bilim, mádenıet jáne sport salasynda aıanbaı eńbek etip júrgen adamdar. Bári de laıyq. Praımerızdiń eń basty jetistigi – partııaishilik irikteýdi ótkizý jáne belsendi tulǵalaryn anyqtap alý»,– dedi Kenjehan Matyjanov.

Kenjehan Matyjanovtyń aıtýynsha, praımerızge qatysýshylardyń maqsaty bir – halyq úshin aıanbaı eńbek etý.

Eske salaıyq, Almatyda 4 myńnan astam partııa múshesi daýys berdi.

Foto: aqmeshit-zhastary.kz