Kentýkkıdegi sý tasqyny 25 adamnyń ómirin qıdy

NUR-SULTAN. QazAqparat – Jumadan bastap shtatta Kentýkkı tarıhyndaǵy eń qaýipti jáne joıqyn sý tasqyny baıqalýda, dep habarlaıdy QazAqparat Euronews-ke silteme jasap.

«AQSh-tyń Kentýkkı shtatynda sý tasqyny saldarynan kem degende 25 adam qaza tapty. Olardyń arasynda tórt bala bar», - dedi shtat gýbernatory Endı Beshır.

250-ge jýyq adam habar-osharsyz ketken.

Aımaqtaǵy sý tasqyny buryn-sońdy bolmaǵan nóser jańbyr saldarynan týyndady. Keıbir aýdandarda kúnine 20 sm-den astam jaýyn-shashyn jaýdy. Birneshe saǵat ishinde Ýaıtsbergtegi Kentýkkı ózeniniń soltústik aıyryndaǵy sý deńgeıi 6 m-ge deıin kóterildi, bul aldyńǵy rekordtan 4,5 m-ge joǵary.

Buǵan deıin qutqarý qyzmetteri tasqyn sý joldar men kópirlerdi shaıyp, úılerdiń irgetastaryn qıratqanyn habarlady.

Kentýkkıdiń shyǵysyndaǵy, Batys Vırdjınııa men Vırdjınııadaǵy 31 myńnan astam turǵyn taýly aýdandardaǵy sý tasqyny men kóshkinge baılanysty elektr jaryǵynsyz qaldy.

Eń kóp zardap shekken aýdandarǵa sarbazdar jiberildi.

Foto: Timothy D. Easley/AP Photo