Kentaýlyq kópbalaly áke «Baqytty otbasy» arqyly baspanaly boldy

KENTAÝ. QazAqparat - Kentaýlyq kópbalaly úıelmen «Baqytty otbasy» baǵdarlamasy aıasynda baspanaly boldy, dep habarlaıdy QazAqparat óńirlik kommýnıkatsııalar qyzmetine silteme jasap.

Asyljan Nııazov - Túrkistan oblysy Kentaý qalasynda turatyn kópbalaly əke. Ol «Túrkistan oblystyq memlekettik saqtandyrý qorynda» qyzmet etedi. Búginde ol jubaıymen birge tórt bala tárbıelep otyr. Otaǵasy «Baqytty otbasy» baǵdarlamasy arqyly Kentaý qalasynan úsh bólmeli páter satyp alyp, jańa qonys ıesi atandy.

Kópbalaly otbasy óz baspanasyn 10 mln teńgege satyp alǵan. Endi nesıe boıynsha aı saıynǵy tólem - 53 myń teńge.

Asyljan Nııazovtyń aıtýynsha, baspana kiltin 2019 jyly 30 jeltoqsanda alǵan.

«Biz kópbalaly otbasy retinde turǵyn úı kezegine tirkeldik. Óz baspanamyz bolmaǵandyqtan, ata-anamyzben birge turdyq. «Baqytty otbasy» baǵdarlamasynyń arqasynda Kentaý qalasynyń ortalyǵynan úsh bólmeli páterge qol jetkizdik. Qonys toıymyzdy da atap óttik. Bul - biz úshin aıtyp jetkize almaıtyn úlken qýanysh. Osy baǵdarlama bolmaǵanda, ózdigimizden turǵyn úı máselesin sheshe almas edik. Óıtkeni, sport mektebinde jumys isteıtin joldasym bala kútiminde. Al meniń tabysym otbasyn asyraýdan artylmaıtyn», - deıdi baspana ıesi.