Kentaýdaǵy jylý energo ortalyǵynda jańadan eki qazandyq salynyp jatyr

<p>Kentaýdaǵy jylý energo ortalyǵynda jańadan eki qazandyq salynyp jatyr. Bul týraly Túrkistan oblysy ákiminiń baspasóz hatshysy Mıra Súleımenova málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Kentaý qalasynda daýyldy jeldiń zardabyn joıý jumystary táýlik boıy júrip jatyr. Qazir qalada jylý men jaryq jáne aýyzsý turaqty berilýde.

«Kentaýdaǵy №5 JEO jumysy turaqtaldy. Jylý temperatýrasy 57 gradýsqa kóterildi. Jalpy bul jaǵdaı oblys ákimi Darhan Amangeldiulynyń turaqty baqylaýynda. Daýyldyń saldarynan joıýǵa arnaıy brıgada qurylyp, aqaýlardyń barlyǵy qaıta qalpyna keltirip jatyr. Kentaýdaǵy jylý energo ortalyǵynda jańadan 2 qazandyq salynyp jatqanyn eske salamyz. Olar aldaǵy qańtar aıynda iske qosylatyn bolady jáne taǵy eki qazandyqtyń jumysy jańartylady. Osydan keıin Kentaýdaǵy jylý sapasy odan da jaqsarady»-dedi Mıra Súleımenova.

Aıta keteıik, budan aldyn Kentaýdaǵy jylý energo ortalyǵynan aqaý shyqqany jaıynda jazǵan bolatynbyz.