Túrkistan: BAQ ókilderi Kentaý qalalyq jylýenergo ortalyǵynyń jaı-kúıimen tanysty
Búgin BAQ ókilderine Kentaý qalasyndaǵy №5 Jylý energo ortalyǵyna baspasóz týry uıymdastyryldy. Túrkistan oblysy ákiminiń birinshi orynbasary Zulpyhar Joldasov jýrnalısterge jylý energo ortalyǵynyń qazirgi jáı-kúıimen tanystyrdy.
– Bul jylý stantsııasynda 1956 jyldan beri kúrdeli jóndeý júrgizilmegen. Tozý deńgeıi 85%-dan asqan. Aldyńǵy jyldary turǵyn úıler men nysandardy jylytýda qıyndyqtar týyndady. Osy jyly Úkimet qoldaý kórsetip, qazandyqtardyń qurylysyna qarajat bóldi. Sol ýaqyttan bastap kúrdeli jóndeý jumystaryna kiristik. Ortalyqtaǵy 6 qazandyqty jańadan aýystyrý jumystary júrgizilýde. Dál qazir jańadan ornatylǵan 4 qazandyq iske qosylǵan. 2 qazandyq rezervte tur. Qalany jylýmen qamtamasyz etýge 4 qazandyq jetkilikti. Qazirgi ýaqytta jylýdy artyǵymen berip jatyrmyz. Sonymen qatar munda 10 MVt energııa óndirýdi kózdep otyrmyz. Búginde 5,5 MVt óndirilýde. Turǵyn úıler men nysandardy jytylýda eshqandaı másele joq. Jaǵdaı turaqty baqylaýda, – dedi Zulpyhar Joldasov.
Bıyl Kentaý jylý energo ortalyǵynda jobaǵa sáıkes 6 qazandyqty qaıta qurý jumystary júrgizilýde. Qazirgi ýaqytta 4 qazandyqtaǵy jumystar aıaqtalyp, paıdalanýǵa berildi. Qalǵan 2 qazandyqty jyl sońyna deıin aıaqtaý josparlanyp otyr. Odan bólek, 2 qazandyqta aǵymdaǵy jóndeý jumystary aıaqtalyp, paıdalanýǵa tapsyryldy. Sonymen qatar TG- 6 týrbogeneratoryn aǵymdaǵy jóndeý jumystary aıaqtalyp, qorǵaý jáne qosý júıelerin retteý boıynsha jumystar atqarylyp jatyr. Bul jumystar qarasha aıynyń sońyna deıin aıaqtalmaq.
Baspasóz týry barysynda BAQ ókilderi qaladaǵy turǵyn úılerdi aralap, páterlerge jylý berilý deńgeıin baqylady.
Aıta keteıik, Kentaý qalasynda jylý 15 qazannan bastap berilýde. Búgingi tańda ortalyqta eki aýysymda 150 adam jumys isteıdi.