Kentaýdaǵy kolledjde erekshe balalarǵa merzimi ótken azyq-túlik bergen

<p>TÚRKІSTAN. KAZINFORM - Túrkistan oblysynyń prokýratýrasy Kentaý qalasynda ornalacqan &laquo;Arnaıy kásiptik kolledjde&raquo; oqıtyn 80 erekshe balanyń quqyqtary óreskel buzylǵanyn anyqtady.&nbsp;</p>

Arnaıy kásiptik kolledj - elimizdegi jalǵyz mamandandyrylǵan múmkindigi shekteýli balalarǵa arnalǵan ońaltý jáne bilim berý qyzmetterin usyný úshin qurylǵan mekeme. Prokýrorlyq tekserý barysynda atalǵan oqý ornynyń basshylyǵy uzaq ýaqyt boıy zańnama talaptaryn buza otyryp, erekshe stýdentterdi memlekettik qyzmettermen tıisinshe qamtamasyz etpegeni anyqtaldy.

Sapasyz bilim berýdegi buzýshylyqtar, oqytýshylar quramynyń biliktilik talaptaryna sáıkes kelmeýi, sanıtarlyq jáne órtke qarsy normalardyń saqtalmaǵany belgili boldy. Mekemede merzimi ótken azyq-túlik pen merzimi ótken medıtsınalyq preparattar qoldanylǵan. 

Medıtsınalyq qarsy kórsetilimderi men shekteýleri bar talapkerlerdi oqýǵa zańsyz qabyldaý faktilerin bile tura, Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshylary tıisti sharalar qabyldamaǵan.

«Tekserý nátıjesimen zań buzýshylyqtardy joıý jáne bala quqyqtaryn qorǵaý maqsatynda oblys prokýratýrasy 5 prokýrorlyq den qoıý aktisin oblys ákimdigine jáne memlekettik organdardyń aýmaqtyq departamentterine engizdi», - delingen Túrkistan oblysy prokýratýrasy taratqan aqparatta.