Kentaýda jylý temperatýrasy keshke deıin kóteriledi – ákimdik

<p>Kentaýda jylý temperatýrasy keshke deıin kóteriledi. Bul týraly áleýmettik jeli arqyly tikeleı efırge shyqqan Kentaý qalasy ákiminiń orynbasary Qýanysh Iskakov málimdedi, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Kentaý qalasynda qatty jeldiń saldaryn joıý jumystary áli jalǵasyp jatyr. Jaryqtyń sónip qalýynan jylý energo ortalyǵyndaǵy qazandyqtar óship, qaıta iske qosylǵan bolatyn. Saldarynan qalada jylý temperatýrasy tómendep ketti. Sapaly jylýǵa qol jetkize almaǵan turǵyndar qosymsha elektr peshterin tutynyp otyr.

«12 jeltoqsanda jaryqtyń óship qalýynan jylý energo ortalyǵy 10 mınýtqa óship, qosyldy. Erteńine de elektr jaryǵynyń turaqsyzdyǵynan jylý energo ortalyqtyń jabdyqtary men qazandyqtary 3-4 ret óship, qaıta qosyldy. Sonyń saldarynan jylýdyń temperatýrasyn túsirip aldyq. Qalanyń bireshe jerinde aqaý bolyp, sý aǵyp ketti. Sebebi qazandyqtar men jabdyqtardy qaıta iske qosý úshin 2 saǵatqa jýyq ýaqyt ketedi, al qaıta qalpyna keltirý úshin kem degende 3,4 saǵat ýaqyt jumsalady. Qazirgi tańa qalaǵa 3 qazandyqpen jylý berilip jatyr. Keshke deıin jylýdyń temperatýrasy kóteriledi. Tań atqanǵa deıin durystalyp qalý kerek» - dedi Qýanysh Iskakov.

Qala ákiminiń orynbasary áleýmetitik jelide tarap jatqan «jylý energo ortalyǵynda kómir joq» degen aqparatqa da jaýap berdi. Sondaı-aq jylý aqysy qaıta esepteletinin jetkizdi

«Jylý energo ortalyqta 20 000 tonna kómir qory bar. Ol 1 aıǵa jetedi. Jeltoqsan aıynyń sońynda qosymsha kómir jetkizý bastalady. Kómir qory jetkilikti. Al 13 jeltoqsannan bastap jylý qalypqa kelgenge deıingi ýaqyt aralyǵyndaǵy kúnderdiń aqysy qaıta esepteledi» - dedi Qýanysh Iskakov.

Aıta keteıik, budan aldyn Kentaýdaǵy jylý energo ortalyqta aqaý shyqqany jaıynda jazǵan bolatynbyz.