Kentaýda jańa jylý elektr ortalyǵy salynýy múmkin
Bul týraly Túrkistan oblystyq qoǵamdyq keńes otyrysynda energetıka jáne turǵyn úı-kommýnaldyq sharýashylyq basqarmasynyń basshysy Sáken Dalıev málimdedi.
Onyń aıtýynsha, ázirge jylý energoortalyqqa qatysty eki joba jasalǵan. Onyń biri - jylý ortalyǵyn tabıǵı gazǵa qosý, al ekinshisi - jańa jylý energo ortalyǵyn salý.
«Aldaǵy ýaqytta atalǵan másele boıynsha túbeıgeıi sheshim qabyldanatyn bolady»,-dedi basqarma basshysy.
Kentaýdaǵy №5 jylý energııa ortalyǵy 1934 jyly salynǵan. Mamandardyń sózinshe búginde mundaǵy negizgi materıaldyq jabdyqtardyń 85 paıyzy tozǵan.
Qazirgi kezde atalǵan jylý energo ortalyǵynyń qyzmetin 14 myń abonent tutynyp otyr.
Onyń ishinde 347 kópqabatty turǵyn úı, 2000 astam jeke sektordaǵy turǵyn úıler men 106 bıýdjettik mekeme, 441 kommertsııalyq nysan bar.
Aıta keteıik, budan aldyn Kentaýdaǵy jylý ortalyǵy jabdyqtarynyń 85 paıyzy tozǵanyn jazǵan bolatynbyz.