Kentaýda teris dinı aǵymdy ustanatyn turǵyn aýlasynda esirtki ósirgen

KENTAÝ. QazAqparat - Túrkistan oblysynda destrýktıvti dinı aǵym jaqtaýshysynan sora esirtkisi tárkilendi, dep habarlaıdy QazAqparat polıtsııaǵa silteme jasap.

Túrkistan oblysy polıtsıa departamentiniń ekstremızmge qarsy is-qımyl basqarmasynyń qyzmetkerleri UQK Túrkistan oblysy boıynsha departamentimen birlesip jedel izdestirý sharalaryn júrgizdi.

Onyń barysynda esirtki zatyn satady degen kúdikpen er adamdy ustady.

Ol - destrýktıvti dinı aǵymnyń jaqtaýshysy retinde tirkelgen Kentaý qalasynyń turǵyny bolyp shyqty.

Jedel ýákilder kúdiktiniń turǵylyqty mekenjaıyna tintý júrgizip, onyń úıiniń aýlasynan bıiktigi 30-40 sm bolatyn esirtkige uqsas 17 túp ósimdikti taýyp, tárkiledi.

Saraptama qorytyndysyna sáıkes, aıǵaq retinde alynǵan shóp quramynda esirtkisi bar «sora» bolyp shyqty.

Atalǵan jaıt QR QK 300-baby 1-bóligi boıynsha tirkeldi.

Qazirgi ýaqytta sotqa deıingi tergeý amaldary júrip jatyr. Oqıǵanyń búkil mán-jaıy anyqtalady.