Kentaýda polıetılen qubyry shyǵaryla bastady

KENTAÝ. QazAqparat – Túrkistan oblysy, Kentaý qalasynda polıetılendi qubyrlaryn shyǵaratyn tseh óz jumysyn bastady. Jobalyq quny 600 mln teńgeni quraıtyn kásiporyn jylyna 1500 tonna trýba shyǵarýǵa qaýqarly, dep habarlaıdy QazAqparat tilshisi.

«ABN Alıans» JShS-ne tıesili óndiris ornynda búginde 50 adam jumyspen qamtylǵan. Atalǵan tseh qaladaǵy toqtap turǵan burynǵy «Betonzavod» ǵımaratyn satyp alyp, qural-jabdyqtar ornatý jumystaryn júrgizgen. Jobany iske qosqan kásiporyn basshylyǵy aldaǵy ýaqytta atalǵan ǵımarattyń ishinde radıator shyǵarý tsehyn ashýdy josparlaýda. Jobanyń quny 1 mlrd 200 mln teńgeni quramaq. Osylaısha jylyna 600 myń dana radıator shyǵaryp, munda da 50 adamdy jumyspen qamtý kózdelip otyr. Budan bólek, munda temirbeton shyǵarý tsehyn ashý josparlanǵan. Bul jobanyń quny 200 mln teńgeni quraıdy. Kásiporynda jylyna 13500 myń dana temirbeton shyǵarylmaq.