Kentaýda mektep pen kolledj shatyryn jel ushyryp ketti

TÚRKІSTAN. QazAqparat - Kentaýda qatty jelden mektep pen kolledj shatyry ushyp ketti, dep habarlaıdy QazAqparat tilshisi.

Túrkistan oblysyn Tótenshe jaǵdaılar departamentiniń málimetinshe, óńirde jeldiń uıytqýy ortasha deńgeıde sekýndtyna 26 metr, al taýly aýmaqtarda 30 metrge deıin jetken. Qatty jeldiń saldarynan Kentaý qalasyndaǵy ǵımarattar kóp zardap shegýde. Máselen, Kentaý qalasyndaǵy polıtehnıkalyq kolledjdiń 700 sharshy metr shatyry ushyp ketken. Sonyń saldarynan kórshiles turǵyn úılerdiń qorshaýlary men shatyryna zaqymdanǵan.

Sondaı-aq, Kentaýdaǵy «Qazaqtelekom» ǵımaratynyń 450 sharshy metr shatyry da túgeldeı ushyp túsken. Al, jóndeý jumystarynan ótkenine kóp bola qoımaǵan Y. Altynsarın atyndaǵy №1 mektep ǵımaratynyń shatyry da jerge qulaǵan. «Óńirdegi 4 aýdanda 14612 abonent jaryqsyz qalǵan bolatyn. Qazir 3000-ǵa jýyq abonentke jaryq berildi. Sondaı-aq, Tótenshe jaǵdaılar departamentiniń ǵımaratynda jedel shtab jumys istep jatyr. Aldaǵy 4, 5, 6 mamyrda da jeldiń qarqyny saqtalady. Sondyqtan asa bir qajettilik bolmasa syrtqa shyqpaýlaryńyzdy suraımyz», - dedi Túrkistan oblysy TJD bastyǵynyń orynbasary Erik Sarybaev.