Kentaýda qurǵaq sút óńdeıtin óndiris tsehy ashylady
Qarashyq aýyldyq okrýgindegi «Turan» sharýa qojalyǵynda jip óńdeıtin jáne maqta maı tsehy men sút óńdeıtin tseh jumys isteıdi. Qojalyqtyń sút zaýyty sút ónimderiniń barlyq túrin shyǵarady. Kásiporyn táýligine 40 tonna ónim óńdeýge qaýqarly. 15-16 tonna sıyr sútin qabyldap, odan sút ónimderiniń barlyq túrin shyǵarady.
Atalmysh sharýaqojalyq 1994 jyly qurylǵan.
Kásiporynda sonymen qatar, tamshylatyp sýarýǵa paıdalanatyn qubyr tsehy jumys isteıdi. Sharýa qojalyǵy jyl saıyn 30 mıllıonǵa deıin tabys tabýda. Joǵary deńgeıdegi elıtalyq shıtti tuqymyn jylyna 430 tonnaǵa deıin jetkizip otyr. Qojalyq ıesi 2018 jyly 413 gektar jerge shıtti maqta ónimderin egip joǵary ónim alǵanyn aıtýda.
«Aldaǵy ýaqytta Germanııa memleketinde ornalasqan «Textima Export Import GmbH» fırmasynan jalpy quny 3 mıllıon AQSh dollar turatyn jip ırý jabdyqtaryn ákelip ornatýdy josparlap otyrmyn. Sharýa qojalyqta arnaıy tehnıkalar turatyn oryn bar. Búgingi tańda 23 traktor, onyń 4 MTZ - 1221 jáne 3 John Deere maqta jınaý kombaıny bar. Qurǵaq sút óńdeıtin óndiris tsehynyń qurylys jumystary tolyǵymen aıaqtaldy. Qazir oǵan qajetti halyqaralyq standarttarǵa sáıkes keletin qondyrǵylarmen jabdyqtalý ústinde. Taıaý kúnderi iske qosylatyn bolady», - dedi «Turan» sharýa qojalyǵynyń tóraǵasy Habıbýlla Azımov.
«Turan» sharýaqojalyǵy 50-60 jas aralyǵyndaǵy aýyl turǵyndaryn jumyspen qamtyp otyr. Bıyl qojalyq 170 bas Sımmental tuqymdy sıyr ósirýdi qolǵa alǵan. Aýyldyń áleýmettik jaǵdaıyn, turǵyndardyń turmysyn túzeý úshin jáne sút ónimderin arttyrý maqsatynda ІQM-dy kásipker aýyl turǵyndaryna nesıe jolymen kómek berilip jatyr. Al, turǵyndar bolsa, maldyń qunyn kásipkerge 3 jyldyń ishinde sút arqyly ótep beretin bolady.