Kentaýda fast-fýdtan ýlanǵandar sany 100-ge jetti

TÚRKІSTAN. QazAqparat – Kentaýda fast-fýdtan ýlanǵandar sany 100-ge jetti. Bul týraly Túrkistan oblysynyń Sanıtarııalyq-epıdemıologııalyq baqylaý departamentiniń baspasóz qyzmetinen málim etti, dep habarlaıdy QazAqparat tilshisi.

Kentaý qalasynda ornalasqan «Rızyq-Raýany» fast-fýd ortalyǵynda tamaqtan ýlanǵandar sany 100-ge jetti. Olardyń arasynda14 jasqa tolmaǵan 40 jasóspirim, 3 júkti áıel bar. Qazirgi kezde atalǵan jaǵdaı negizinde Kentaý qalalyq polıtsııa bólimi qylmystyq is qozǵap, sotqa deıingi tergep-tekserý júrgizip jatyr.

Búgingi kúni Kentaý qalalyq ortalyq aýrýhanasynda statsıonarlyq em qabyldaǵan 67 naýqas úılerine jiberildi. Degenmen, barshasy ýchaskelik dárigerlerdiń baqylaýynda bolady.

Al astan ýlanǵan 25 naýqas ambýlatorııalyq em qabyldap jatyr. Sondaı-aq Túrkistan qalalyq juqpaly aýrýlar aýrýhanasyna 8 turǵyn jatqyzylǵan.

Aıta keteıik, Kentaý qalasynda ornalasqan «Rızyq-Raýany» fast-fýd ortalyǵynda tamaqtanǵan 92 adam ýlanyp qalǵan edi. Olardyń arasynda 14 jasqa tolmaǵan 40 jasóspirim, 3 júkti áıel bar. Atalǵan jaǵdaı boıynsha Kentaý qalalyq polıtsııa bólimi qylmystyq is qozǵap, sotqa deıingi tergep-tekserý júrgizip jatyr.

1 shilde kúni 17 turǵyn aýrýhanadan shyqty.

Búgin málim bolǵandaı, dámhananyń qyzmetkerlerinen salmonellez ben stafılokokk qozdyrǵyshtary anyqtaldy.