Kentaýda ardager metallýrgterge arnalǵan eskertkish taqtaısha ashyldy
Metallýrgterdi kásibı merekesimen quttyqtaǵan Kentaý qalasynyń ákimi Jandos Tasov Kentaýdyń tarıhy, onyń qalyptasýy men damýy metallýrgııa ónerkásibimen tyǵyz baılanysty ekendigin atap ótti.
«Kentaý qalasynyń negizin qalaǵan «Aşysaıtústimetall» kombınatynyń ardagerleri qalanyń qalyptasýy jolynda táýlik boıy ter tógip, eńbek etti. Mundaǵy aǵa urpaqtyń álemdi tańdandyrǵan jáne eshbir el jańarta almaǵan shapshań burǵylaý jónindegi rekordy tarıh betinde altyn árippen jazylyp qaldy. Bul sol ýaqyttaǵy kenshi-metallýrgterdiń qoltańbasy retinde keıingi býynǵa ónege bolyp qala bermek. Sondyqtan da Kentaý – qıyndyqtan taısalmaıtyn, eńbekten jırenbeıtin naǵyz eńbekqor, otansúıgish eńbek maıtalmandarynyń qalashyǵy, áleýeti myqty «kadrlar ustahanasy» atalady», - dedi Jandos Tasov.
Kásibı merekemege oraı ardager metallýrgterge qurmet kórsetilip, arnaıy marapattar berildi. Atap aıtar bolsaq, «Eńbek ardageri», «Qurmetti kenshi», «Qalaǵa sińirgen eńbegi úshin» medaldary men ІІ jáne ІІІ dárejeli «Eńbek dańqy» tósbelgisi jáne «Qazprofmetall» taý-ken salalyq kásipodaǵy qoǵamdyq birlestiginiń Qurmet gramotasy, Túrkistan oblysy ákiminiń gramotasy, Túrkistan oblystyq máslıhatynyń jáne qalalyq máslıhat tóraǵasynyń alǵys hattary tabystaldy.
Іs-shara barysynda Kenshiler alleıasynda ardager metallýrgter, Qazaq KSR Lenın komsomoly syılyǵynyń ǵylym jáne tehnıka salasyndaǵy laýreattary Y.Á.Tóltaev, A.V.Smırnov, G.B.Dovgan, A.V.Korn jáne D.Qaldybaıulynyń esimderi jazylǵan eskertkish taqtaısha ashyldy. Kópshilik eńbek adamdaryna arnalǵan eskertkishke gúl shoqtaryn qoıdy.
Jıyn ardagerlerge arnalǵan dastarhanǵa ulasty. Ómirden ótken metallýrgter men kenshilerge quran baǵyshtalyp, as berildi.