Kentaý qalasynyń turǵyndary balkonǵa tý ilip, ánurandy oryndady
Túrkistan oblysynda Qazaqstan Respýblıkasynyń Memlekettik rámizder kúni joǵary deńgeıde atalyp ótip jatyr.
Árbir aýdan, qalada rámizder kúnine arnalǵan dástúrli avtosherý uıymdastyryldy.
Al, Kentaý qalasynda turǵyndar kópqabatty úılerdiń balkonyna tý ilip, ánurandy shyrqady.
«Óskeleń urpaqqa osyndaı mereke bar ekenin jáne memlekettik rámizder bizdiń maqtanyshymyz ekenin kórsetý, jetkizý mańyzdy. Biz osy sherý arqyly patrıotızmdi kórsetkimiz keldi. Bul merekeni joǵary deńgeıde atap ótýimiz kerek», - deıdi qala turǵyny Qanat Bekmetov.
Qalada «Memlekettik rámizder - el mártebesi» is sharasy ótti.
Onda qala ákiminiń orynbasary Aqnur Baıbolova men qalalyq máslıhat hatshysy Talǵat Balabıev qala turǵyndaryn rámizderimizdiń 30 jyldyǵymen quttyqtady.
Іs-shara Shámshi Qaldaıaqov atyndaǵy mádenıet saraıynyń ónerpazdary ázirlegen kontserttik baǵdarlamaǵa ulasty.
Jastar Táýelsizdigimizdi ulyqtaıtyn patrıottyq ánder shyrqady.