Kenııada úkimetke qarsy sherýler qaıta bastaldy

<p>ASTANA. KAZINFORM &ndash; Kenııada úkimetke qarsy sherýler qaıta bastaldy. Naırobıde salyqty kóterý týraly daýly zań jobasynyń kúshi joıylǵanyna qaramastan, polıtsııa agressıvti demonstranttardy taratý úshin kózden jas aǵyzatyn gaz qoldana bastady, dep jazady<a href="https://tass.ru/mezhdunarodnaya-panorama/21254059" target="_blank" rel="noopener"> TASS.</a></p>

Citizen TV habarlaýynsha, úkimettiń otstavkaǵa ketýin talap etken sherýler eldiń eń iri qalalary Mombasa men Kısýmýda ótip jatyr.

Narazylyq sherýleri 18 maýsymda bastaldy. Biraq 25 maýsym kúni jańa salyq engizý týraly zań jobasynyń kúshin joıýdy talap etken narazylar parlament pen qalalyq keńes ǵımarattaryn órtep jiberip, jaǵdaı ýshyǵa tústi.

26 maýsymda prezıdent Ýılıam Rýto daýly zań jobasyn joıdy. Alaıda demonstranttar taǵy narazylyqtarǵa shaqyryp, 27 maýsym kúni de jalǵasty.

Kenııanyń Adam quqyqtary jónindegi ulttyq komıssııasynyń málimeti boıynsha, 18 maýsymnan beri 39 adam qaza taýyp, 350-den astamy jaraqat alǵan.