Kenııada mekteptiń qabyrǵasy opyrylyp, 7 oqýshy qaza tapty

NAIROBI. BBC - QazAqparat – Kenııa astanasy Naırobıde mekteptiń qabyrǵasy opyrylyp, kem degende 7 oqýshy qaza tapty, dep habarlaıdy «QazAqparat» HAA BBC-ge silteme jasap.

Resmı habarlarǵa súıensek, Precious Talent Top School mektebiniń aǵashtan soǵylǵan qabyrǵalary sabaq ústinde opyrylyp túsken. Qaıǵyly oqıǵa búgin boldy.

Ondaǵan adam zardap shegip, jergilikti aýrýhanaǵa jetkizildi.

Mektep dırektory Moses Ndırangýdyń aıtýynsha, mektep qabyrǵasynyń qıraýyna káriz kollektoryn jóndeý jumystary sebep bolýy múmkin. Dırektor qurylys jumystary kezinde mekteptiń irgetasy álsiregen dep otyr.

Kenııa Qyzyl Krest qoǵamynyń ókilderi apattan japa shekkenderdiń birnesheýin Dj. Kenıat atyndaǵy Ulttyq aýrýhanaǵa jetkizgen.

Kenııa úkimeti apat sebepterin tekserýge kiristi.

Avtor: Raýshan Qońyrbaeva