Keńes Odaǵynyń batyry Mahmet Qaıyrbaev týraly kitap jaryq kórdi
Osy ýaqytqa deıin «Jızn zamechatelnyh lıýdeı» kitap serııalarynyń 1500-den astam sany jaryq kórgen. Olardyń kópshiligi Qazaqstannyń kórnekti qaıratkerlerine arnalǵan. Atalmysh serııanyń keıipkerleri Abaı Qunanbaıuly, Shoqan Ýálıhanov, Kenesary Qasymov, Qanysh Sátbaev, Muhtar Áýezov, Shákárim Qudaıberdiuly, Ermuhan Bekmahanov, Evneı Bóketov jáne basqa da Qazaqstan tarıhynyń, ǵylymy men mádenıetiniń kórnekti kaıratkerleri boldy. Endi bul tizim Mahmet Qaıyrbaevtyń esimimen tolyǵyp otyr.
«Mahmet Qaıyrbaev» kitabynyń avtory — Batyrdyń uly Murat Qaıyrbaev. Avtor muraǵat materıaldaryn paıdalana otyryp, ákesi Mahmet Qaıyrbaevtyń ómirbaıanyndaǵy buryn belgisiz bolǵan faktilerge quqyqtyq turǵydan baǵa bergen.
— Ákemniń ómirbaıanyn jazý onyń ómirindegi keıbir oqıǵalarǵa túrtki boldy. Ákem 1982 jyly zeınetke shyqqannan keıin de qoǵamdyq jumystarǵa belsene aralasyp, maıdangerlerdiń erlikterin jıi eske alyp, jaǵdaılaryna alańdap júretin. Búginde men de zeınettemin. Ákemniń sol kezdegi oıǵa alǵan josparlaryn júzege asyrýǵa az da bolsa úlesimdi qossam deımin, — deıdi Murat Mahmetuly.
Beıbit ýaqytta Mahmet Qaıyrbaevtyń barlyq eńbek joly Pavlodar oblysynyń damýymen tyǵyz baılanysty. Tyń ıgerý men mal sharýashylyǵyn órkendetý, oblystyń ónerkásiptik áleýetin damytýda qol jetkizgen jetistikteri úshin keńestik memlekettik nagradalarmen marapattaldy.
Іs-sharada batyr týraly derekti fılm kórsetilip, kitap kórmesi usynyldy.
TJM-niń áskerı bólimderine qazaq batyrlary B.Momyshuly, Q.Qaısenov, Eset batyrtyń esimderi berildi.
Foto: Nargız Kúbesh