Kendirlide sý tuşytý, Jańaózende gaz óńdeý zaýyty salynady

<p>&laquo;QazMunaıGaz&raquo; UK AQ (QMG) basshylyǵy &laquo;Ózenmunaıgaz&raquo; AQ (ÓMG) kásipodaq uıymdarynyń basshylarymen jáne ókilderimen dástúrli kezdesý ótkizdi. Onda bıylǵy óndiristik jáne áleýmettik-ekonomıkalyq jumystyń qorytyndylary shyǵarylyp, eńbek jaǵdaıyna qatysty jıi kóteriletin máseleler talqylandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> "QazMunaıgaz" UQ" AQ-nyń <a href="https://t.me/kmgpress/2723" target="_blank" rel="noopener">baspasóz</a> qyzmetine silteme jasap.</p>

Kezdesýge QMG Basqarma tóraǵasy Maǵzum Myrzaǵalıev, QMG Basqarma tóraǵasynyń orynbasarlary Dáýletjan Hasanov jáne Dıana Arysova, QMG jaýapty departamentteriniń dırektorlary, ÓMG bas dırektory Nurdáýlet Qılybaı jáne onyń orynbasarlary men ÓMG basqarýshy dırektorlary qatysty.

Kásipodaqtar tarapynan kezdesýge ÓMG jumysshylarynyń eki qoǵamdyq birlestigi tolyq quramda qatysty: uıym tóraǵalary Bekqalı Ýaqbaev pen Serik Bekbergenov bastaǵan «Ózenmunaıgaz jumysshylarynyń jergilikti kásipodaǵy» jáne «Jańaózen munaıshylarynyń jergilikti kásipodaǵy» qoǵamdyq birlestikteri.

QMG-niń kásipodaqtarmen ótkizetin dástúrge aınalǵan bul kezdesýleri eńbek ujymdarymen turaqty ári belsendi dıalogty qoldaýǵa múmkindik beredi. Kezdesýde taraptar jyldyń óndiristik jáne áleýmettik-ekonomıkalyq qorytyndylaryn shyǵaryp, eńbek ujymdarynda áleýmettik turaqtylyqty saqtaý, eńbek jaǵdaıyn, ónerkásiptik qaýipsizdik pen óndiristik tártipti jaqsartý boıynsha qabyldanyp jatqan sharalar týraly pikir almasty.

Kásipodaq jetekshileri men ókilderi QMG-niń Mańǵystaý oblysy men Qazaqstannyń batys óńirlerindegi iri áleýmettik jobalaryna oń baǵa berdi. Atap aıtqanda, elimizdiń batysynda aýyz sý tapshylyǵy máselesin sheshý úshin «QazMunaıGaz» bıyl jeltoqsan aıynda «Astrahan-Mańǵyshlaq» magıstraldy sý qubyryn rekonstrýktsııalaý jáne keńeıtý jobasynyń birinshi kezeńin aıaqtady, bul jumys qubyrdyń sý ótkizý qýatyn táýligine 110 myńnan 170 myń tekshe metrge deıin arttyrdy.

Sonymen qatar, 2023 jyldyń qyrkúıeginde Kendirlide sý tuşytý zaýytynyń qurylysy bastaldy. Odan bólek, ulttyq kompanııa Jańaózende jańa gaz óńdeý zaýytyn salýdy qolǵa aldy, ony 2026 jyly aıaqtaý josparlanyp otyr. Bul jobalardyń júzege asý kezeńi men nysandar iske qosylǵan kezde ashylatyn jańa jumys oryndary qaladaǵy áleýmettik turaqtylyqqa oń áserin tıgizedi.

Qatysýshylar sondaı-aq jumys ujymdarynyń tarapynan jıi qoıylatyn suraqtardy talqylady, olardyń qatarynda eńbekaqy, munaı kásipshiliginde qoldanylatyn jabdyqtardy satyp alý jáne jańartý, jeke qorǵanys quraldarymen qamtamasyz etý, sharýashylyq-turmystyq keshenderdi salý, jóndeý jáne basqa da máseleler bar.

Kezdesý barysynda Ózen ken ornyn ońaltý jobasyna, ony iske asyrý kezindegi negizgi syn-tegeýrinder men tehnologııalyq qıyndyqtarǵa jeke toqtaldy. Sonymen qatar, kezdesýde «Ózenmunaıgaz» kompanııasynyń óndiristik jospary men qarjylyq qyzmetiniń nátıjeleri, sondaı-aq elektr qýatymen jabdyqtaý máselesiniń óndiristik protseske áseri taldandy.