Ken oryndaryn ıgerýge quqyq berý merzimi qysqardy
Úkimet basshysy Álıhan Smaıylovtyń aıtýyna qaraǵanda, bul tujyrymdama jer qoınaýyn memlekettik geologııalyq zertteýdiń tıimdiligin arttyrýǵa baǵyttalǵan.
«KAZNEDRA aqparattyq platformasy pılottyq rejımde jumys istep tur. Jer qoınaýyn paıdalaný salasynda normatıvtik-quqyqtyq baza túbegeıli ózgerdi. Jer qoınaýy men geologııalyq aqparat barynsha qoljetimdi boldy», - dedi ol Úkimet otyrysynda.
Sondaı-aq, ol ken ornyn ashqan kompanııalardyń quqyqtaryn qorǵaý kúsheıtilgenin eske saldy.
«Lıtsenzııa berý tártibi ken oryndaryn ıgerýge quqyq berý merzimin edáýir qysqartty.
Búgin qaralyp otyrǵan tujyrymdama jer qoınaýyn memlekettik geologııalyq zertteýdiń tıimdiligin arttyrýǵa baǵyttalǵan jańa sharalar eskerile otyryp, ázirlendi.
Onda salany tsıfrlandyrý, ınfraqurylymdy damytý, kadrlyq áleýetti arttyrý sııaqty salany damytýdyń basym baǵyttary kórinis tapqan», - dedi Álıhan Smaıylov.