Keminde 400-700 myń teńge jalaqy – Mınıstr avtogreıder men asfalt tóseýshi operatorlardy jumysqa shaqyrdy

<p>ASTANA. KAZINFORM &ndash; Úkimet otyrysynan keıingi baspasóz máslıhatynda Kólik mınıstri Marat Qarabaev Premer-Mınıstrden nege 500 sheteldik jumysshynyń kvotasyn retteýge kómek suraǵanyn túsindirdi.</p>

«Shetelden jumysshy shaqyrtýǵa qandaı qajettilik týyndap otyr? Qazaqstandyq mamandardyń biliktiligi jetpeı me? Solaı bolsa, ol qandaı sýperjobalar? Sheteldik mamandardy qaı elderden aldyrmaqshysyzdar?» - dep surady BAQ ókili.

Mınıstr elde ondaı mamandar bar, biraq tapshy degendi aıtty.

«Qazaqstandyq mamandardyń biliktiliginen buryn sany jetpeı tur. Sýpertehnologııa bolyp turǵan eshteńe joq. Ol jaqtaǵy avtogreıder nemese asfalt tóseýshi tehnıkany júrgizetin arnaıy operatorlar kerek. Ondaı operalar bolsa kez kelgen ýaqytta jumysqa alýǵa daıynbyz. Qaı elde tıisti maman bar, sol elderden tartylady. Mysaly, operatorlar Qytaı elinen, Armenııadan nemese Túrkııadan aldyrylýy múmkin», - dedi ol.

Marat Qarabaev BAQ ókilderin atalǵan mamandyq ıelerin jol jobalaryna tartýǵa shaqyrdy.

«Taǵy da ashyq jarııalaımyn, osy salany biletin kisiler bolsa, alýǵa daıynbyz. Jumystyń basyna baryp keldik. Shynynda solardy júrgizetin operator Qazaqstanda tabylmaı tur. Bar bolsa, sizder de jarııalap, kómektesińizder. Barsyn, jalaqysy jaqsy. Jaqsy, bilikti operatorlar 400 myń teńgeden 700 myń teńgege deıin alady. Odan da kóp alatyndar bar. Qanshalyqty bilikti maman bolǵanyna baılanysty», - dedi mınıstr.