Kemeńger elimiz óz prezıdentin saılaýda bul joly da qatelespeıdi - Marhabat Baıǵut
«Bıyl elimizdiń saıası ómiri ózgeristerge toly boldy. Onyń ishinde Elbasynyń ókilettigin toqtatý týraly sheshimin kópshilik ádil dep baǵalady. Nege deseńiz, ishki saıası turaqtylyqty saqtap, baǵytymyzdy aıqyndaýda bul ózgeristiń orny erek. Minekeı, Prezıdent saılaýyn kezekti ret ótkizý málimdemesi de jarııalandy. Biz bolashaǵymyzdy aıqyndarda ótkenimizge qaraýdy umytpaǵan elmiz. Táýelsizdik bizge qandaı jeńisimen keldi? Álem aldyndaǵy asqaq bedelimiz ben eńseli ekonomıkamyzdy aıtpaǵannyń ózinde qazaq rýhanııaty úshin eleýli oqıǵalarǵa toly boldy. Onyń ishinde, kúlli adamzat, búkil dúnıe júziniń órkenıetti qaýymy, barsha el nazar aýdararlyqtaı álemdik deńgeıdegi, parasattyń shyrqaý bıigindegi paıymdar ortaǵa salyndy. Naqty ǵylymı derekterge súıenip, jahandyq tarıhtaǵy Uly Dala eliniń, qazaq ultynyń, Qazaqstan Respýblıkasynyń orny men róli jan-jaqty aıqyndaldy. Búkil baıtaǵymyzdyń rýhanı jańǵyrý barysynda aldaǵy ýaqytta nelerdi jáne qalaı júzege asyrý kerektiginiń taǵlymdy tujyrymdamasy jasaldy. Túrkistan qalasyn oblys ortalyǵyna aınaldyrý arqyly kúlli túrki jurtynyń týyn tórimizge tikti. Onyń bolashaǵy, Ál-Farabı men Ahmet ıAsaýı babalarymyz, batyrlar jyry, qyzǵaldaq pen sıvers almasyna deıin aıryqsha mán berilýi qalamgerlerge qanat bitiredi», - dep atap ótti jazýshy.
Onyń aıtýynsha, osyndaı jarqyn kezeńderdi bastan keshirip otyrǵan elimiz aldaǵy saılaýdan mol úmit, kelisti keleshek kútedi.
«Ol úshin aýyzbirlik qaǵıdasy aýadaı qajet. Kemeńger elimiz óz prezıdentin saılaýda bul joly da qatelespeıdi dep oılaımyz», - deıdi jazýshy.