Kemel bolashaqqa - kemeńger basshymen

ASTANA. QazAqparat - Táýelsiz Qazaqstannyń qalyptasýynan bastap memlekettik damýdyń dańǵyl jolyndaǵy jumystardyń basym bóligi tuńǵysh Prezıdentimiz N.Nazarbaevtyń esimimen tyǵyz baılanysty. Sondyqtan elimizdiń kúntizbesine jeltoqsannyń 1 juldyzynyń Qazaqstan Respýblıkasynyń Tuńǵysh Prezıdent kúni bolyp belgilenýi el halqynyń Elbasyna degen qurmetiniń kórsetkishi. osymen úshinshi jyl keń baıtaq Qazaqstannyń jurtshylyǵy eren Elbasynyń, kemel Kóshbasshysynyń kúnin keń kólemde toılap keledi.

Osy oraıda budan birneshe jyl buryn Parlament qabyldaǵan Qazaqstan Respýblıkasynyń memlekettik Táýelsizdiginiń 20 jyldyǵy týraly deklaratsııasynda: «Ata-babamyzdyń ǵasyrlar boıy asyl armany bolyp kelgen egemen Qazaqstandy qurý jónindegi tarıhı amanaty 1991 jylǵy 1 jeltoqsanda biraýyzdan Memleket basshysy bolyp saılanǵan Tuńǵysh Prezıdent - Elbasy N.Á.Nazarbaevtyń basshylyǵymen iske asty. Respýblıka Prezıdentiniń jetekshiligimen keń aýqymdy ekonomıkalyq, saıası jáne áleýmettik reformalar júzege asyryldy. Qazaqstan memlekettiliginiń negizin qalaýshy - elimizdiń Tuńǵysh Prezıdenti N.Á.Nazarbaev halyqty jarqyn isterge jumyldyrý, qoǵamdaǵy tatýlyq pen kelisimdi nyǵaıtý, búkil halyqaralyq qoǵamdastyqtyń rızashylyǵy men qurmetine ıe bolǵan jahandyq jáne óńirlik beıbit bastamalardyń avtory retinde eldiń syrtqy saıası baǵytyn dál aıqyndaý isine orasan zor úles qosty. Memleket basshysynyń jan-jaqty saralanǵan ishki jáne syrtqy saıasatynyń arqasynda elimiz saıası jáne áleýmettik-ekonomıkalyq silkinisterge ushyramaı, derbes damýdyń ótpeli kezeńindegi qıyndyqtar men synaqtardy eńserip, ilgerileý men órkendeý jolyna shyqty», dep jazylǵan edi.

Bul daýsyz shyndyq. Óıtkeni, Qazaqstan táýelsizdik jyldarynda álem moıyndaǵan memleketterdiń qataryna qosyldy. Terezesi tórtkúl álemmen teńesti. Ǵasyrlar boıy babalar armandaǵan táýelsizdiktiń týy kókte jelbiredi. 150-den astam eldermen dıplomatııalyq qarym-qatynas ornatyp, ózge memleketterdiń damý joldaryn saralaı kele, óziniń dańǵyl jolyn tańdady. Shyn máninde, Elbasy Nursultan Nazarbaevtyń salıqaly saıasatynyń arqasynda táýelsiz Qazaq eli qalyptasyp, tarıhymyz túgendelip, tilimiz, dinimiz jáne dilimiz qaıta oraldy. Memleketimizdiń ulttyq rámizderi qabyldandy.

Beıbitshilikten asqan qundylyq joq. ıAdrolyq qarýsyz álemge qaraı qadam basqan jahandyq qozǵalystardyń da birden-bir bastaýynda Qazaqstan Prezıdenti esimi turǵanyn aıdaı álem jaqsy biledi.

Elimiz táýelsizdiktiń arqasynda Tuńǵysh Prezıdenttiń bastamalaryna qoldaý jasaı otyryp, qysqa ýaqytta kóp bıikterdi baǵyndyrdy. ShYU, EýrAzEQ, AÓSІShK sııaqty uıymdardyń belsendiligi artty, EQYU, IYU, UQShU sekildi irgeli uıymdarǵa tóraǵalyq ettik. Dástúrli din basshylary jyl saıyn Qazaqstanda bas qosyp, ony pikir almasý alańyna aınaldyrdy. Sondaı-aq Qazaqstan, Reseı jáne Belarýs memleketteri basshylarynyń Astanany Eýrazııanyń júregi etip, EAEO týraly memorandýmǵa qol qoıýy tarıhı oqıǵaǵa aınaldy. Bul istiń basy-qasynda Qazaqstan Prezıdentiniń bastamashy bolýy kóp nárseni ańǵartady. Munyń ózi Elbasynyń erlikke para-par isteriniń nátıjesi bolatyn.

«Aldymen - ekonomıka, sonan soń saıasat» qaǵıdaty arqasynda qazaqstandyqtardyń turmys jaǵdaıy jaqsardy. Qazaqstanda ındýstrııalandyrý saıasaty qolǵa alyndy. Oǵan ınnovatsııalyq úrdis qosyldy. Munyń bári el ekonomıkasynyń múldem jańa damý arnasyna bet burǵanyn aıǵaqtaıdy.

Elbasynyń bıylǵy jyldyń 11 qarashadaǵy «Nurly jol - bolashaqqa bastar jol» atty Joldaýy jahandyq daǵdarys jaǵdaıynda qoǵamdaǵy áleýmettik sapaly ahýaldyń saqtalýyn qamtamasyz etýge arnalǵan sharalardyń júıeli josparyn anyqtap berdi. Qazaqstannyń Jańa ekonomıkalyq saıa­saty ulttyq ekonomıkamyzdyń ınfraqurylymdyq tiregin jańǵyrtýdy qamtamasyz etedi. Elbasy óziniń Joldaýynda alda turǵan mindetterge naqtyly kartografııa jasap, qazaqstandyqtardyń hal-ahýalyn jaqsartýǵa damýy yqpal etetin 20 qalany atap aıtty. Bul Joldaý - ShOB-tyń osy zamanǵy ınfraqurylymy negizine súıengen damýdyń basty tetigi bolatyndyǵyn dáleldeıdi.

Prezıdenttiń tapsyrmasyna sáıkes Ulttyq qordan shaǵyn jáne orta bıznesti qoldaýǵa jáne nesıelendirýge 100 mlrd teńge bólinip, ol tolyǵymen ıgerildi. Memleket basshysy jańa Joldaýynda ShOB-ty jeńildikpen nesıelendirý úshin qosymsha 100 mlrd teńge bólýge tapsyrma berdi. Sonymen qatar, Elbasy jańa ekonomıkalyq saıasattyń tájirıbelik bazasy bolyp otyrǵan ınfraqurylymdardy damytý jospary 5 jylǵa eseptelip, ındýstrııalyq-ınnovatsııalyq damýdyń Ekinshi besjyldyǵymen úılesetinin atap ótti.

Qoryta aıtqanda, Prezıdent kúni qarsańynda Táýelsiz Qazaqstanda jetistikterin aıtýdyń Jańa ekonomıkalyq saıasattyń arqasynda el eńsesi tik kóterilip keledi. Basty maqsat - jańarǵan Qazaqstandy álemniń damyǵan 30 eliniń qataryna qosý. Osy jolda Elbasy basshylyǵymen damýdyń dańǵyl jolyna túsken jas memleketke tek birlik pen yntymaq kerek ekendigi sózsiz.