Keleste «Til – memlekettiń tuǵyrly tiregi» atty jıyn ótti

KELES. QazAqparat – Túrkistan oblysy Keles aýdanynda «Til – memlekettiń tuǵyrly tiregi» atty jıyn ótti. Aýdandyq ishki saıasat, mádenıet jáne tilderdi damytý bólimi uıymdastyrǵan sharaǵa til janashyrlary men jergilikti turǵyndar, ustazdar qatysty, dep habarlaıdy QazAqparat tilshisi.

Til saıasatynyń júzege asyrylýy men qol jetkizgen mańyzdy jetistikter talqylanǵan basqosýda latyn álipbıine kóshýdiń mańyzy men ony odan ári halyq arasynda nasıhattaý joldary sóz boldy. Tildiń búgini men keleshegi jaıynda tereń oı-pikirler ortaǵa salyndy. Dóńgelek ústelge qatysýshylar arasynda qyzý pikirtalas týyndap, kóterilgen máseleniń mánisi jan-jaqty talqylandy. Tilder ortalyǵy ult tilinde is qaraýdy damytýdyń qajettiligin jáne mańyzdylyǵyn, oǵan yqpal etýdiń joldaryn usyndy.

Til janashyrlary memlekettik tildiń ózekti máselerin kóterýge tilder ortalyǵynyń bastamashy bolyp, shara ótkizip otyrǵanyna rızashylyqtaryn shynaıy bildirdi.

Aıta keteıik, mundaı basqosýlar aýdannyń ózge de aýyldyq okrýgterinde uıymdastyrylyp, til mártebesin kóterý máselesi kóterildi.