Keleste respýblıkalyq mańyzy bar joldyń jóndeý jumystaryna partııalyq baqylaý jasaldy

KELES. QazAqparat – Túrkistan oblysy, Keles aýdanynda respýblıkalyq mańyzy bar joldyń jóndeý jumystaryna partııalyq baqylaý jasaldy. Aýdan ákimi, «Nur Otan» partııasy Keles aýdandyq fılıalynyń tóraǵasy Aqmentaı Esbaev pen tóraǵanyń birinshi orynbasary Ahmet Jumabekov bıylǵy jyly mamyr aıynda bastalǵan A-15 avtomobıl jolynyń jóndeý jumystaryn aralap kórdi, dep habarlaıdy QazAqparat tilshisi.

Partııalyq baqylaýdyń nátıjesinde «Nur Otan» partııasy Túrkistan oblystyq fılıal tóraǵasy Ómirzaq Shókeevtiń tikeleı tapsyrmasymen Keles aýdany aýmaǵynan ótetin «Jyzaq-Jetisaı-Qyzylásker-Abaı-Saryaǵash-Jibek joly» avtomobıl jolynyń 144-175 shaqyrym aralyǵynda jóndeý jumystary tıisti deńgeıde júrgizilmegen bolatyn. «QazAvtoJol» Ulttyq kompanııasy» AQ Túrkistan oblystyq fılıaly Qoshqarata-Aqtóbe aýyl okrýgteriniń aýmaǵyndaǵy 31 shaqyrym joldy jóndeý jumystaryn jarytpaǵan merdiger mekeme «TMM Bereke» JShS-simen kelisim-shartty buzdy. Baqylaý barysynda búgingi tańda jol jóndeý jumystaryn «QazaqAvtoJol» JShS qolǵa alyp, kúni-túni jóndeý jumystary qarqyndy júrgizilýde. Merdiger mekeme jańa tehnıkalar men jumysshylar sanyn arttyrǵan. Aınalma jol retinde berilip, tozyǵy jetken Oshaqty aýyldyq okrýgi aýmaǵyndaǵy avtojolǵa da jaqyn kúnderi jóndeý jumystary bastalatynyn atap ótti. Óz kezeginde aýdan ákimi «QazaqAvtoJol» JShS-iniń ókiline aýa raıynyń qolaılylyǵyn paıdalanyp, jumysty jandandyrý qajettigin jetkizdi.