Keleste 3 myńnan asa bala mektep tabaldyryǵyn alǵash ret attady

KELES. QazAqparat – Túrkistan oblysy Keles aýdanyndaǵy mektepterde 1 qyrkúıek - Bilim kúnine oraı alǵashqy qońyraý soǵyldy. Aýdan ákimi Aqmentaı Esbaev Qoshqarata aýyldyq okrýgindegi №2 orta mektebindegi saltanatty jıynǵa qatysty, dep habarlaıdy QazAqparat tilshisi.

Ánuranmen ashylǵan alǵashqy qońyraý saltanatynda aýdan basshysy barlyq oqýshylarǵa, mektep tabaldyryǵyn alǵash attaǵan balǵyndarǵa jyly lebizin arnady. Ol jetkinshekterdiń jaqsy bilim men tárbıe alýyna tilektestik bildirdi. Bul kúni, sondaı-aq, ardager ustazdar men ata-analar atynan bilim salasynyń ardagerleri merekelik lebizin jetkizdi.

Jańa oqý jylyndaǵy quttyqtaýlardan keıin egemen eldiń bolashaq urpaqtary óleń shýmaqtaryn oqydy. Olarǵa mektep bitirýshi túlekteri qanattarynyń talmaýyn tilep, syılyqtaryn tabys etti. Saltanatty sharada sondaı-aq, mektep ónerpazdary án shyrqap, alǵashqy qońyraý soǵyldy. Barsha oqýshylar alǵashqy sabaqtaryna qatysty.

Aýdan ákimi Aqmentaı Esbaev mektep qabyrǵasyna alǵash kelgen birinshi synyp oqýshylarynyń alǵashqy sabaǵyna qatysyp, búldirshinderge sáttilik tiledi. Bilim ordasynyń tájirıbeli ustazdary men bilikti mamandary oqýshylardy osylaısha sabaqtaryn bastap ketti.

Aıta keteıik, jalpy Keles aýdanynda bıyl 3345 bala mektep tabaldyryǵyn alǵash ret attady.