Kelesi jyly temirjolshylardyń aılyǵy mindetti túrde ósedi – Qaıyrbek Óskenbaev

ASTANA. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev «Qazaqstan temir joly» temirjolshylarynyń aılyqty kóterý týraly talabyna pikir bildirdi, dep habarlaıdy QazAqparat tilshisi.

«QTJ-men qazir naqty jumys istep jatyrmyz. Óıtkeni Qazaqstan boıynsha osy temirjolshylar arasynda másele týyndap otyr. Basshylarynyń kelesi jyly jalaqyny ósiretin oıy bar. Biraq onyń somasy qazirgi tarıfke baılanysty. Bir jaǵynan tarıfti ózgertý belgilenip jatyr. Ol tarıfti bekitsek, jalaqynyń ósimi soǵan baılanysty bolady. Biraq jalaqy kelesi jyly mindetti túrde ósedi», - dedi ol Úkimet otyrysynan keıin ótken baspasóz máslıhatynda.

Jýrnalıst mınıstrden temirjolshylardyń bul talabyn qanshalyqty oryndy dep esepteıtinin surady.

«Ol týraly aıtý qıyn shyǵar endi. Biz Úkimet tarapynan qazaqstandyqtar neǵurlym kóbirek jalaqy alsyn dep tilep otyramyz. Biraq árqaısysy shamasyna qaraı júk kóteredi ǵoı. Sol sebepti tarıf tómen bolsa, tabys bolmasa, QTJ-ny da túsinýge bolady. Aqsha bolmasa, ony qaıdan alady? Sol sebepti jańa ıdeologııa usynylyp otyr. Olar «bizge jańa tarıf berińdershi, jańa ıdeologııamen jumys isteıikshi, sosyn jalaqyny da kóteremiz» dep otyr», – dedi Qaıyrbek Óskenbaev.