Kelesi jyly Qazaqstanda respýblıkalyq mańyzy bar 2,3 myń km jol jóndeledi
Atap aıtqanda, ortalyqty ózge aımaqtarmen baılanystyratyn trassanyń qaıta qurylysy jalǵasady. Bul týraly QR Kólik jáne kommýnıkatsııa mınıstrliginiń baspasóz qyzmeti habarlady.
«Ortalyq-Ońtústik» baǵyty boıynsha «Astana-Temirtaý» jáne «Almaty-Qapshaǵaı» ýchaskeleri tolyǵymen qurylys jumystarymen qamtylady. Sonymen birge «Burylbaıtal-Qurty-Qapshaǵaı» (228 km) ýchaskesiniń qaıta qurylysy bastalyp, 2015 jyly salýdy josparlap otyrǵan «Qaraǵandy-Balqash-Burylbaıtal» (686 km) ýchaskesine jobalyq smetalyq qujattamalar daıyndalady.
«Ortalyq-Shyǵys» baǵyty boıynsha 2014 jyly Astanadan Pavlodarǵa deıingi ýchaskeni tolyǵymen qurylys jumystarymen qamtý jáne «Semeı-Qalbataý» aralyǵynda qaıta qurý jumystaryn jalǵastyrý josparlanýda. Bunda da «Qalbataý-Óskemen» jáne «Pavlodar-Semeı» qalǵan ýchaskeler úshin jobalyq smetalyq qujattamalar ázirlenedi.
«Ortalyq-Batys» baǵyty boıynsha 2014 jyly «Beıneý-Shetpe» ýchaskesiniń 238 km joly paıdalanýǵa beriledi jáne «Shetpe-Aqtaý» ýchaskesin qaıta qurý bastalady dep kútilýde.
«Batys Eýropa-Batys Qytaı» halyqaralyq dálizin alsaq, bunda avtomagıstraldi qaıta qurý boıynsha jumystar jalǵasýda. 2014 jyldyń aıaǵyna qaraı Avtomobıl joldary komıteti 179 km jol boıy qozǵalysyn ashýdy josparlap otyr.
Sonymen qatar kelesi jyly «Oral-Aqtóbe», «Astana-Qostanaı-Chelıabınsk» avtojoldarynyń ýchaskelerinde qaıta qurý jumystaryn aıaqtaý jáne «Kókshetaý-Petropavl», «Qapshaǵaı-Taldyqorǵan», «Omby-Pavlodar», «Taskesken-Baqty» joldarynda qurylys jumystaryn jalǵastyrý josparlanyp otyr. Osy joldar boıynsha jumystardy aıaqtaý 2017 jyly kózdelip otyr.
Odan basqa «Ekspo-2017» ótkizý sheńberinde kelesi jyly «Ońtústik-Batys aınalyp ótý» jolynyń (31 km) qurylysy boıynsha jumystardy bastaý jáne «Şýchınsk-Zerendi» (80 km) avtojolyn qaıta jóndeý jumysy josparlanǵan. Osy jumystar 2016 jyly aıaqtalady dep kózdelýde.