Kelesi jyly Qazaqstanda balabaqshaǵa kezekke turý avtomattandyrylady

ASTANA. QazAqparat - Kelesi jyly Qazaqstanda balabaqshaǵa kezekke turý avtomattandyrylady. Bul týraly búgin Úkimettiń selektorlyq rejimdegi otyrysynda «Azamattar úshin Úkimet» memlekettik korporatsııasynyń basqarma tóraǵasy Abylaıhan Ospanov málim etti, dep habarlaıdy QazAqparat.

«Kelesi jyly biz balanyń dúnıege kelgendigi týraly aqparatty Densaýlyq saqtaý mınıstrliginiń aqparattyq júıesine birden túsýin qamtamasyz etpekpiz jáne ol memlekettik qyzmetterdi alýda tikeleı bastamashyǵa aınalýy tıis. ıAǵnı júıe quttyqtap, balaǵa ata-anasy qandaı tek, esim jáne ákesiniń atyn beretindigin suraýy qajet»,- dedi ol.

Onyń aıtýynsha, osydan keıin bul aqparat birden AHAT-qa túsip, JSN berýge bastamashylyq jasalady.

«Munan ary aqparat balanyń ata-anasynyń jeke esep shotyna qajetti járdemaqylardyń aýdarylýy úshin Eńbek jáne halyqty áleýmettik qorǵaý mınıstrligine birden berilýi kerek. Járdemaqy alýǵa kelisim berilgennen keıin aqparat balabaqshaǵa kezekke avtomatty túrde turý úshin E-ákimdikke túsedi»,- dedi Ospanov.