Kelesi jyly Almatydan birneshe halyqaralyq reıs ashylady

ALMATY. QazAqparat - Almaty qalasy ákiminiń orynbasary Álisher Ábdiqadyrov óńirlik kommýnıkatsııalar qyzmetinde ótken brıfıngte kelesi jyly shet memleketterge jańa áýe reısterin ashý josparlanyp otyrǵanyn aıtty, dep habarlaıdy QazAqparat tilshisi.

«Qazirgi ýaqytta Pákistanǵa, Saýd Arabııasyna, Japonııaǵa jáne Izraılge jańa áýe reısterin ashý boıynsha kelissózder júrgizilýde. Kelesi jyldyń basynda SCAT kompanııasy Pákistan-Islamabad jáne Karach qalalaryna iri reısterdi ashady. Saýd Arabııanyń áýe kompanııasynyń ókilderi tikeleı turaqty reısterdiń ashylǵanyn habarlady. Qazaqstan men Japonııa arasyndaǵy tikeleı áýe qatynasyn qalpyna keltirý kelissózder satysynda. Sonymen qatar, Malaızııamen kelissózder júrgizilýde. Týrıstik baǵyt retinde Almatynyń kóliktik qoljetimdiligi aıtarlyqtaı jaqsarady dep kútemiz, bul tikeleı reısterdi ashý arqyly qoljetimdi», - dedi Álisher Ábdiqadyrov.

Buǵan deıin Almaty men Qytaıdyń Sıan qalasynyń arasynda ushaq qatynaıtynyn jazǵan bolatynbyz.

Sonymen qatar, Qazaqstannan Seıshel araldaryna alǵash ret tikeleı reıs ashylǵany týraly aıtylǵan edi.