Kelesi jyly 4 psıhologııalyq-pedagogıkalyq túzetý kabıneti, 1 ońaltý ortalyǵy ashylady

ASTANA. QazAqparat - 2023 jyly elimizde 11 psıhologııalyq-medıtsınalyq-pedagogıkalyq konsýltatsııa (PMPK), 4 psıhologııalyq-pedagogıkalyq túzetý kabıneti jáne bir ońaltý ortalyǵy ashylady. Olar balalarǵa áleýmettik medıtsınalyq-pedagogıkalyq qoldaý kórsetýge asa qajettilik baıqalatyn óńirlerde iske qosylady, dep habarlaıdy QazAqparat.

Búgingi kúni elimizde 89 psıhologııalyq-medıtsınalyq-pedagogıkalyq konsýltatsııa, 208 psıhologııalyq-pedagogıkalyq túzetý kabıneti, 13 ońaltý ortalyǵy jumys isteıdi.

«Oqý-aǵartý mınıstrligi 2025 jylǵa deıin PMPK jelisin 50 000 balaǵa shaqqanda 1 PMPK esebinen 125-ke deıin keńeıtýdi josparlap otyr. PMPK jáne túzetý kabınetteriniń sany jyl saıyn artyp kele jatqanyn atap ótkim keledi. Qaraǵandy, Aqtaý, Shymkent qalalarynda, Mańǵystaý jáne Almaty oblystarynda psıhologııalyq-medıtsınalyq-pedagogıkalyq konsýltatsııalar ashyldy. Túzetý kabınetteri men ońaltý ortalyqtarynyń sany da artyp keledi. Sońǵy eki jylda 13 túzetý kabıneti ashyldy. ıAǵnı balalardy arnaıy psıhologııalyq-pedagogıkalyq qoldaýmen qamtý aıtarlyqtaı keńeıip jatyr. Bul balalar múgedektiginiń aldyn alýǵa jáne azaıtýǵa yqpal etedi», - dedi Oqý-aǵartý mınıstrligi Arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵynyń dırektory Áıgerim Kýderınova.

Sonymen qatar elimizde arnaıy bilim beretin uıymdardyń sany da ósti. Balalar jylynda elimizde Taraz, Oral jáne Qaraǵandy ​​qalalarynda aýtızmmen aýyratyn balalarǵa arnalǵan úsh qoldaý ortalyǵy ashyldy.