Kelesi jyldyń basynda 1 900 magıstrant kásiporyndarǵa jumysqa jiberiledi

ASTANA. QazAqparat - Qazaqstanda mashına jasaý, metallýrgııa, hımııa ónerkásibi, munaıhımııa, qurylys materıaldaryn óndirý, azyq-túlik ónimderin óndirý sııaqty Indýstrıaldy-ınnovatsııalyq damý memlekettik baǵdarlamasynyń alty basym salasy úshin kadrlardy daıarlaý júzege asyrylady, dep habarlaıdy primeminister.kz.

«Nurly Jol - bolashaqqa bastar jol!» Joldaýyn jáne 2015-2019 jyldarǵa arnalǵan QR IIDMB iske asyrý aıasynda Qazaqstan ekonomıkasynyń basym salalaryna bilikti kadrlardy daıarlaıtyn JOO-lar anyqtaldy», - dedi QR Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń dırektory Darhan Ahmed-Zakı.

Onyń aıtýynsha, búgingi tańda bazalyq JOO-larda 4 700 magıstrant bilim alýda. Sonyń ishinde 2015 jyly - 1 900 adam, 2016 jyly 2 800 adam qabyldanǵan.

Oqytýdyń ekinshi kýrs magıstranttary qazirgi tańda IIDMB kásiporyndarynda óndiristik tájirıbeden ótýde. Tájirıbe ótý barysynda magıstranttarǵa magıstrlik jobalardy oryndaý múmkindigi beriledi.

Sondaı-aq, 2017 jyldyń birinshi toqsanynda alǵashqy 1 900 magıstrant jumys isteý úshin IIDMB kásiporyndaryna jiberiledi. Árbir magıstrantpen olardyń oqýǵa qabyldanǵan sátinen bastap budan arǵy jumysqa ornalastyrýdy qamtamasyz etetin úshjaqty sharttar (bilim alýshy-JOO-kásiporyn) jasalyndy.