Kelesi jyldan bastap jýrnalıster «Bolashaq» baǵdarlamasyna qatysa alady - S.Nurbek
14:36, 18 Shilde 2013
ASTANA. 18 shilde. QazAqparat - Aldaǵy jyldan bastap buqaralyq aqparat quraldarynyń ókilderi «Bolashaq» baǵdarlamasy aıasynda shetelde bilim ala alady.
Ol úshin arnaıy kvota bólinbek. Bul týraly búgin «Bolashaq» baǵdarlamasynyń túlekterine arnalǵan bos jumys oryndarynyń jármeńkesi aıasynda jýrnalısterge suhbat bergen «Halyqaralyq baǵdarlamalar ortalyǵy» AQ prezıdenti Saıasat Nurbek málim etti.
«Eń birinshi, buqaralyq aqparat quraldary tarapynan qatysatyn mamannyń kem degende birjyldyq eńbek ótili bolýy shart. Al tilge degen talap qatty bolmaıdy. Negizi, onyń barlyǵy Memlekettik hatshynyń tapsyrmasy boıynsha qolǵa alynyp otyr», - dep atap kórsetti S.Nurbek.