Kelesi jyldan bastap tarıfter kóteriledi - Jibek Joly

ASTANA. QazAqparat – Kelesi jyldyń ekinshi jartyjyldyǵynan bastap tarıfter kóteriledi. Bul týraly Ulttyq ekonomıka mınıstri Álibek Qýantyrov «Jibek Joly» telearnasyndaǵy jýrnalıst Erbolat Muhamedjannyń «JJ Talk» baǵdarlamasyna aıtty, dep habarlaıdy QazAqparat tilshisi.

«Tarıf saıasaty óte ózekti másele. Ony Memleket basshysy da aıtyp keledi. Bizdiń maqsatymyz – aldaǵy 7 jylda elektr, sý jáne jylýmen jabdyqtaý júıelerindegi tozý kórsetkishterin 15 paıyzǵa tómendetý. Kelesi jyldyń ekinshi jartyjyldyǵynan tıisti tarıfti kóterý saıasatyn júrgizetin bolamyz. Alaıda tarıfterdi kóterý máselesi qoǵamnyń talqylaýynan ótýi tıis», - dedi Álibek Qýantyrov.

Mınıstr sózinshe, óńirlerdegi tabıǵı monopolııalar sýbektileri tarıfterdi kóterýdi surap otyr. Bul ınfraqurylymdy jańartý úshin qajet.

«Óńirlerdegi tabıǵı monopolııalar sýbektileri men ákimdikter tarıfterdi kóterýdi suraıdy. Olar jańa qurylǵylardy satyp alýy, ınfroqurlymdardy jańǵyrtýy kerek. Bul qomaqty qarajatty qajet etedi. Tarıfter boıynsha biz úsh sanatty qarastyramyz. Birinshisi – jeke tulǵa. Olar eń tómen tarıfterdi tóleıdi. Olardyń salmaǵy basqa eki sanatpen úılestiriledi. Máselen, jeke tulǵa bir kılovatqa 13 teńge tólese, al zańdy tulǵa 25-26 teńge tóleıdi. Al endi úshinshi sanat bar. Ol bıýdjettik uıymdar. Olar 60-67 teńge tóleıdi», - dep toqtaldy mınıstr.

Buǵan deıin Álibek Qýantyrov «JJ Talk» baǵdarlamasynda Qazaqstannyń jańa ekonomıkalyq saıasatynyń basym baǵyttaryn atady.