Kelesi jyldan bastap suıytylǵan gaz baǵasyn Energetıka mınıstri rettep otyrady

NUR-SULTAN. QazAqparat – Kelesi jyldan bastap suıytylǵan gazdyń shekti baǵasyn Energetıka mınıstri belgilep otyrady. QR Energetıka mınıstri Bolat Aqsholaqov Májiliste ótken Úkimet saǵatynan keıin jýrnalısterge osyndaı málimet berdi, dep habarlaıdy QazAqparat tilshisi.

«180 kúndik retteý merzimi aıaqtalǵan soń suıytylǵan gazdyń bir lıtri zaýyttan 29 teńgemen shyǵatyn bolsa, sońǵy tutynýshyǵa qazirgideı 50 teńge emes, 55 teńge bolýy múmkin. Bul anyq naryqtyq jolmen engizilgen baǵa. Ony baqylaýǵa alý kerek dep otyrǵanymyz, osy mejeden asyryp jibergender bolsa, onyń negizdemesin dáleldeı almasa, aıyppul salyp, baǵany qaıtadan ornyna keltiremiz», - dep túsindirdi Bolat Aqsholaqov.

Aıtýynsha, mundaı tájirıbe tabıǵı gazdyń baǵasyn turaqtandyrýda tıimdi ekenin kórsetken eken.

«Zań sondaı, ony biz basqasha isteı almaımyz. Kelesi jyldan bastap suıytylǵan gazǵa shekteýli baǵa engiziledi. Zańǵa sondaı ózgerister engizip jatyrmyz. Sol kezde jeńildeý bolady. Tabıǵı gazdyń baǵasyn qazir solaı retteýdi jolǵa qoıdyq. ıAǵnı, búkil halyqtyń kóz aldynda, ashyq jolmen qabyldadyq. Endi suıytylǵan gazdyń baǵasyn da solaı rettegimiz kelip otyr», - dedi Energetıka mınıstri.

Sondaı-aq, búgingi Úkimet saǵatynda kóleńkeli eksport suıytylǵan gaz baǵasyn qymbattatýy múmkin ekenin aıtty.