Kelesi jyldan bastap «QazAgro» nesıe paıyzyn azaıtady

ASTANA. QazAqparat - «QazAgro» holdıngi men Aýyl sharýashylyǵy mınıstrligi kelesi jyly aýyl sharýashylyǵy óndirýshilerine beriletin nesıeniń paıyzyn azaıtpaq. Bul týraly búgin Ortalyq kommýnıkatsııalar qyzmetiniń brıfıngisine qatysa otyryp, «QazAgro» Ulttyq basqarýshy holdıngi» AQ-nyń basqarma tóraǵasy Nurlybek Malelov málim etti.

«Qazagronyń» quramynda úsh kompanııa aýyl sharýashylyǵy ónimderin óndirýshilerdi qarjylandyrady. «QazAgrofınans», «Agrarlyq nesıelik korporatsııa» jáne Aýyl sharýashylyǵyn qarjylaı qoldaý qory. Osy úsh uıymnyń bári de oblys ortalyqtarynda fılıaldaryn ashqan. Odan tómengi deńgeıde biz nesıelik seriktestikter arqyly nesıe beremiz»,-dedi «QazAgro» fılıaldarynyń sanyna toqtalǵan ol.
Brıfıng barysynda N.Malenov bıyl egin orý naýqanyn qarjylandyrý úshin «QazAgro» 60 mlrd teńge bólgenin aıtqan bolatyn. Bıyl bul qarjy aýyl sharýashylyǵy taýar óndirýshilerine 5 paıyz, bankterge 7,41 paıyzben taratylǵan eken. Kelesi jyldan bastap paıyzdyq qaıtarym kólemi azaıtylmaq.

«Bıyl 60 mlrd teńge berildi. Ony mynandaı baǵytta bóldik. Birinshi baǵyt - qarjyny ekinshi deńgeıli bankter kooperatıvterge beredi, ekinshi baǵyt - qarjyny ózimizdiń enshiles mekemeler arqyly berdik. Qazirgi bergen stavkalarymyz - aýyl sharýashylyǵy taýar óndirýshilerine 5 paıyz. Bankterge 7,41 paıyz. Biraq, qazir Aýyl sharýashylyǵy mınıstrligimen birge kelesi jylǵa baǵa qalyptastyrý máselesin qarastyrdyq. Kelesi jyly paıyzdar tómendetiledi»,-dedi N.Malenov.