«Kelesi pandemııa Sýdanda bastalady» - aqparat shyndyqqa janasa ma

ASTANA. QazAqparat - Qaznet qoldanýshylary Sýdanda áskerı tóńkeris saldarynan qaýipti patogenderdiń úlgileri bar bıologııalyq zerthanalar buzylǵany týraly jazyp jatyr. Aıtýlarynsha, dál osy jaǵdaı kelesi pandemııanyń bastalýyna sebep bolady jáne buqaralyq aqparat quraldary úreı týdyrýdy bastady. Bul ras pa? Stopfake.kz anyqtap kórdi, dep habarlaıdy QazAqparat.

Bıylǵy 15 sáýirde Sýdanda áskerı tóńkeris bastaldy. Qaqtyǵystar birden birneshe qalada oryn aldy. Nátıjesinde júzdegen adam qaza taýyp, myńdaǵan adam jaralandy.
Tóńkerisshiler el astanasy Hartýmda Ulttyq densaýlyq saqtaý zerthanasyn basyp aldy. Eń qaýiptisi – onda qyzylsha men tyrysqaq qozdyrǵyshtarynyń úlgileri saqtalǵan, mamandar olarǵa qol jetkize almaı otyr. ıAǵnı, patogenderdiń qaýipsiz saqtalýyn qamtamasyz etý máselesi týyndady.
Alaıda, Dúnıejúzilik densaýlyq saqtaý uıymy bul jaǵdaıdy «bıologııalyq qaýip» dep moıyndaǵanymen, Sýdandaǵy zerthanany basyp alý saldarynan álemde pandemııanyń bolýy ekitalaı. Qyzylsha men tyrysqaqqa qarsy tıimdi vaktsınalar burynnan bar.
Sonymen qatar álemniń kóptegen damyǵan elderinde qyzylshaǵa qarsy vaktsınatsııa balalar úshin mindetti bolyp tabylady. Tyrysqaqqa qarsy vaktsına mindetti emes, biraq patsıent tyrysqaq jıi kezdesetin elderge saıahatqa saparmen barmaq bolsa, ekpe jasata alady.
«Qoryta aıtqanda, taralǵan habarlama shyndyqqa janaspaıdy.

Birinshiden, Sýdanda bıozerthanalar buzylǵan joq. Bir ǵana Ulttyq densaýlyq saqtaý zerthanasy basyp alyndy.

Ekinshiden, onda saqtalatyn qozdyrǵyshtar belgili jáne jaqsy zerttelgen. Olarǵa qarsy vaktsınalar men dári-dármek bar.

Úshinshiden, bul zerthanany basyp alý kelesi pandemııanyń bastalýyna ákeletinine senýge negiz joq», - delengen saıtta.