Kelesi oıynnyń ońaıǵa túspeıtini anyq – Elena Rybakına

ASTANA. QazAqparat – Qazaqstannyń – birinshi, álemniń 4-raketkasy Elena Rybakına Rolan Garros týrnırindegi alǵashqy jeńisinen keıin kelesi básekeniń ońaıǵa túspeıtinin aıtty, dep habarlaıdy QazAqparat tilshisi.

Qazaqstandyq tennısshiniń sózine qaraǵanda, 16 jastaǵy chehııalyq Brenda Frýhvırtovamen alǵash ret kezdesken.

«Bastapqyda kort pen qarsylasymnyń oıyn stıline beıimdelý kerek boldy. Maǵan azdaǵan tózimdilik jetispedi. Birinshi partııanyń sońyna taman óz oıynymdy taptym. Ekinshi aınalymda Noskovamen match kútip tur. Ol – bolashaǵy bar oıynshy, ótken jyldan beri Lında tym-táýir nátıjeler kórsete bastady. Rolan Garros jarysynda Chehııadan kelgender óte kóp. Chehııalyq tennıs mektebi qashanda óte myqty. Sondyqtan jeńiske jetý ońaı bolmaıdy», –dedi E.Rybakına B.Frýhvırtovamen oıynnan keıingi baspasóz máslıhatynda.

Eske sala keteıik, budan buryn ıÝlııa Pýtıntsevanyń Rolan Garros týrnıriniń ekinshi aınalymyna shyqqanyn jazǵan bolatynbyz.

Sondaı-aq Rolan Garrostyń alǵashqy aınalymynda jeńiske jetken ıÝlııa Pýtıntsevadan suhbat alǵan edik.

Aleksandr Býblık Rolan Garros týrnırinde jeńilip qaldy.

Elena Rybakına Rolan Garros jarysyn jeńispen bastady.