Keleshekte zeınetaqy júıesin reformalaý qajet bolady – Tımýr Súleımenov

<p>ASTANA. KAZINFORM &ndash; Keleshekte qazirgi qoldanystaǵy zeınetaqy júıesin reformalaý qajet bolady. Bul týraly Ulttyq bank tóraǵasy Tımýr Súleımenov aıtty.</p>

«Qazirgi qoldanystaǵy zeıneatyq júıesi ázirshe búgingi kúnniń shyndyǵyna jaýap bere alady. Degenmen, Eńbek jáne halyqty áleýmettik qorǵaý mınıstrliginiń de, Ulttyq banktiń de esepteýleri keleshekte ol reformalaýdy qajetsinetindigin kórsetedi. Óıtkeni, onyń qazirgi qurylymy bolashaq zeınetkerlerge mol zeınetaqy tólemin alýǵa múmkindik bermeıdi. Sondyqtan da zeınetaqy júıesi reformany qajet etedi. Shuǵyl ári dál qazir reforma qajet emes. Biraq, aldaǵy ýaqytta, ıaǵnı, bizdiń uzaqmerzimdi modelimiz keıbir ózgerister jasaý qajettigin kórsetip otyr», - dedi ol elordada ótken brıfıngte BAQ ókilderiniń saýalyna oraı.

Tımýr Súleımenovtiń atap ótýinshe, reforma qajettigin Eńbek jáne halyqty áleýmettik qorǵaý mınıstrligi de, qarjy sektorynyń sarapshylary da, Biryǵaı jınaqtaýshy zeınetaqy qorynyń ózi de túsinedi. Sol sebepti barlyq qurylym bul máseleni sheshý úshin birlese jumys isteıdi.