Keleshekte temirjol salasynda 27 myń jumys orny paıda bolady – Kólik mınıstri

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynda eldegi temirjol jobalary qansha jumys ornyn qajet etetinin aıtty.</p>

- 9 mıllıon 700 myń jumyspen qamtylǵan halyqtyń ishinde 772 myń adam kólik salasynda eńbek etedi. Olardyń basym bóligi temirjol, avtomobıl kóligi jáne logıstıka salalarynda jumys isteıdi. Bolashaqta bul kórsetkish tek artady. Aldaǵy ýaqytta, temirjol salasynda, onyń ishinde «Baqty - Aıagóz», «Darbaza - Maqtaral», «Dostyq - Moıynty» jáne «Almaty stantsııasyn aınalma» temirjol jelilerin salý sııaqty iri jobalar sheńberinde 27 myń jumys ornyn ashý kózdelgen, - dedi ol.

Marat Qarabaevtyń sózinshe, avtojol salasynda 24 joba arqyly 26 myń jumys orny qurylady.

- Logıstıkadaǵy, azamattyq avıatsııadaǵy jáne teńiz kóligindegi jobalardy iske asyrý nátıjesinde 22 myń jumys ornymen qamtamasyz etiledi.

Jalpy alǵanda, kólik salasyndaǵy 118 jobany júzege asyrý 2030 jylǵa deıin qosymsha 75 myń jumys ornyn ashýǵa múmkindik beredi, - dedi mınıstr.

Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵany edi.